Elbasynyń latyn álipbıine kóshý bastamasyna elimizdegi basylymdar ishinde alǵashqylardyń qatarynda Alashtyń rýhanı astanasy sanalatyn Semeı qalasynda jaryq kóretin «Semeı tańy» gazeti ún qosty. Basylymnyń 19 qyrkúıek kúngi nómirinde «SEMEJ TANGY» GAZETI UESHIN LATYN AELIPBII ZHAT EMES» atty maqala jarııalandy.
Ǵasyrǵa jýyq tarıhy bar gazet «Saryarqa», «Qazaq tili» ataýlarymen shyqqan kezde tóte jazýyn, keıin «Jańa aýyl», «Qyzyl dala», «Sosıaldy Shyǵys» ataýlarymen basylǵan shaqtarda latyn qarpin paıdalanǵany belgili. «Memleket basshysynyń usynysyn qoldaı otyryp, gazetimizde latyn qarpinde maqala jarııalaýdy jón kórdik. Elimizdegi tuńǵysh qazaq tildi basylym – keshegi «Saryarqa», búgingi «Semeı tańy» gazeti úshin bul bastama jat emes. Latyn əlipbıine kóshýden júreksinip júrgen aǵaıynǵa aıtarymyz, bul maqalany daıyndaýǵa meniń bir saǵattaı ǵana ýaqytym ketti», deıdi atalǵan maqalanyń avtory, basylymnyń bas dırektory, oblystyq máslıhattyń depýtaty Rıza Moldasheva.
Azamat QASYM, «Egemen Qazaqstan»
Shyǵys Qazaqstan oblysy