Germanııada búgin bir palatadan turatyn el parlamenti – býndestag saılaýy ótip jatyr. El aýmaǵynda jalpyhalyqtyq býndestag saılaýy úshin daýys berý oryndary ashyldy, dep jazady BBC qyzmeti.
Qazirgi kansler Angela Merkel hrıstıan-demokratııalyq partııasy (HDS) atynan tórtinshi ret úmitker atanyp otyr. Sonymen birge onyń partııasy jańa býndestag quramynda negizgi orynǵa ıe bolady degen boljam bar. Bul saılaýda báseke HDS men «Úlken koalısııa» boıynsha áriptes bolyp kelgen Germanııa sosıal-demokratııalyq partııasy arasynda ótip jatyr. Al «Germanııa úshin balama» ońshyl radıkaldar partııasy alǵash ret parlamentke ótýi múmkin.
Saılaý jergilikti ýaqyt boıynsha tańǵy 8-de bastaldy, saılaý ýchaskeleri keshki 18.00 shamasynda jabylady. Alǵashqy nátıjeler daýys berý aıaqtalǵannan keıin belgili bolmaq. Ekinshi dúnıejúzilik soǵys aıaqtalǵannan bergi merzimde býndestagqa alǵash ret alty partııa ótýi yqtımal bolýy sebepti de bul jolǵy saılaýdyń mańyzy joǵary bolyp otyr.
Aıa О́MIRTAI,
«Egemen Qazaqstan»