Oblys ortalyǵyndaǵy Oqshylar saraıynda «Sálem saraı» kúzgi kórme tańqalarlyq. Kórmede «Dostyq sheberhanasy» jáne «Atamura» bóliminde negizinen beıneleý óneri men qoldanbaly-sán shyǵarmashylyq jumystary oryn alǵan.
Jalpy, saraıdaǵy qolóner, sýret úıirmesin Dáýirbek Jaqsylyqqyzy birneshe jyldar boıy basqaryp keledi. Dáýirbek apaıdyń shákirtteri kórmede ózderi jasaǵan gobelenmen tigý, júnnen jasalǵan buıymdar, shı tehnıkasynda oryndalǵan jumystar, ulttyq oıynshyqtaryn kórsetti.
Oqýshylar saraıynda «Syrmaq» qol óner úıirmesi jumys jasaýda. Umytylyp bara jatqan ulttyq qoldanbaly qol ónerimizdi jańǵyrtý, jas urpaqqa úıretý maqsatynda: shı toqý, shı oraý, júndi tútý, ıirý, quraq quraý, keste tigý, oıý –órnekti oıý tásilderi jáne alasha toqý júzege asyrylýda.
Kúntizbelik baǵdarlama balalardyń jas ereksheligi jáne neshinshi jyl úıirmede oqıtyny eskerilip jasalynady, sabaq jospar boıynsha ótkiziledi. Balalardyń jumystary qalalyq, oblystyq, respýblıkalyq, halyqaralyq kórmelerge birneshe ret qatysyp, júldeli oryndardy aldy.
Saraıdyń «Dekor» shyǵarmashylyq stýdııasynyń jetekshisi Elena Mırzoıan da foamırannan jasalǵan buıymdar, kartınalar, bıserden órilgen buıymdar jasapty.
Jáne de «Symbat» jáne «Palıtra» beıneleý stýdııalarynyń shákirtteri de jetkeshileri - Elena Karkavına jáne Vaselına Dmıtrıevamen birlesip týsh, akvarel, gýash, qaryndash, flomaster, túrli-tústi saz balshyqpen ıleý, qaýyrsynmen boıap túrli sýrtter salypty.
Saraıda oqýshylardyń sabaqtan bos ýaqyttarynda kelip, úıirmelerde ózderi qalaǵan shyǵarmashylyqpen aınalysýyna jaǵdaı jasalǵan.
Farıda Byqaı
«Egemen Qazaqstan»
Pavlodar
Sýretti túsirgen Ásem Aıypova