Ásirese tamyz aıynda Atyraýdy jaǵymsyz ıis jaılady. Shirigen jumyrtqanyń, endi birde janarmaıdyń ıisi mazalaryn alǵan qala turǵyndary quzyrly organdarǵa aryz da jazǵan edi.
Tipti «Aýada zııandy zattar joq» dep jaýyrdy jaba toqyǵysy kelgen ekolog mamandardyń pikirine senbegen qoǵamdyq birlestik ókilderi aýa quramyn baqylaıtyn jeke qurylǵy satyp alý úshin halyqty qarjy jınaýǵa shaqyrǵan. Máseleniń mánisi endi belgili boldy. О́ńirlik kommýnıkasııalar qyzmetinde ótken brıfıngte oblystyq ekologııa departamentiniń basshysy Qabıjan Qapanov jaǵymsyz ıis Atyraý munaı óńdeý zaýytynan taraǵanyn málimdedi.
Qala turǵyndary men tabıǵat qorǵaý prokýratýrasynyń shaǵymy boıynsha júrgizilgen tekseris eki birdeı zańbuzýshylyqty anyqtaǵan. Atyraý munaı óńdeý zaýyty kúrdeli jóndeý kezinde qorshaǵan ortaǵa áserdi baǵalaý jobasyn jasaqtamaǵan jáne aýa-raıynyń qolaısyz jaǵdaıyna baılanysty talaptardy oryndamapty.
-Birinshi zańbuzýshylyq boıynsha zaýytqa 500 AEK mólsherinde aıyppul salyndy. Qala aýmaǵynda ornalasqandyqtan aýa-raıynyń qolaısyz jaǵdaıynda jumys júktemesin azaıtýlary kerek edi. Biraq olaı bolmady. Zań boıynsha ázirge eskertýmen shektelip otyrmyz, endi osy talap oryndalmaǵan jaǵdaıdy zaýytty sotqa berýge májbúrmiz, - dedi Q.Qapanov.
Baqytgúl BABASh,
«Egemen Qazaqstan»
ATYRAÝ