Túrki halyqtaryna ortaq kitaptar jazý jalǵasa beretin bolady. Aldaǵy ýaqytta geografııa jáne ádebıet kitabyn jasap shyǵý josparda bar. Bul týraly Astanada ótken «Ortaq túrki tarıhy» oqýlyǵynyń jobasyn talqylaý barysynda Túrki keńesi tóraǵasynyń orynbasary О́mer Kodjaman málimdedi.
Otyrysqa jınalǵandarǵa óz alǵysyn bildirgen О́.Kodjaman aldaǵy ýaqytta ortaq jobanyń jalǵasa beretin atap ótti. Onyń aıtýynsha, túrki halyqtarynyń tarıhyn egjeı-tegjeıli jınaǵan kitaptyń óskeleń urpaq úshin mańyzy orasan.
«Eń áýeli, Túrki keńesi men Túrki akademııasy birlese otyryp jasaǵan oqýlyqty talqylaýǵa qatysyp, at salysqandarǵa aıtar alǵysym sheksiz. Aldaǵy ýaqytta ortaq geografııa, ádebıet kitaptaryn jazyp shyǵý josparda bar. Búgin ortaq túrki tarıhyn qaǵazǵa túsirdik. Qazirgi tańda jastar túrli derekkózderden ár qıly aqparat alady. Osyndaı sátte ortaq tarıh kitabynyń qajettiligi týdy. Osyndaı qadam arqyly urpaq aldyndaǵy boryshymyzdy adal atqaryp shyqtyq. Bul oqýlyq ‒ búkil túrki álemi kútken kitap» ‒ dedi О́. Kojaman.
Ejelgi túrki halyqtarynyń XV ǵasyrǵa deıingi tarıhyn qamtyǵan oqýlyq 7 bólimnen turady. Onda túbi bir túrki halyqtarynyń egjeı-tegjeıli tarıhy qamtylǵan. Jańa tarıh kitaby 8-synyp oqýshylaryna oqytylmaq. Oqýlyqtyń jobasy 2018 jyly Qyrǵyzstanda ótetin Túrki keńesi memleketteri basshylarynyń VI Sammıtinde usynylady.
Arnaıy jumys tobyna kirgen mamandar Akademııada 3 kún boıy oqýlyqtyń jobasyn jan-jaqty talqylap, qajetti túzetýler engizip, mazmunyn tolyqtyrdy. Sarapshylar Túrki tildes memleketterdiń Bilim mınıstrleriniń IV jıynynda qabyldanǵan sheshimderdi negizge aldy.