Premer-Mınıstr men onyń orynbasarlary arasynda mindetter bólindi

Qujatqa sáıkes, Premer-Mı­nıstr­diń qaraýyna ekono­mıka­lyq, qarjy, fıskaldyq jáne keden saıasatynyń, memlekettik bıýdjettiń strategııalyq máse­le­leri, qorǵanys jáne qu­qyq­tyq tártip, munaı-gaz sek­toryn damytý, memlekettik aktıv­terdi basqarý, memlekettik organ­dardyń ákimshilik reformasyn iske asyrý, memleketaralyq qa­ty­­nastar men halyqaralyq yn­ty­maqtastyq, sheteldik ınves­tısııalar tartý, ınvestısııalyq ahýa­ldy jaqsartý jáne bas­qalary kiredi.

Premer-Mınıstrdiń birin­shi orynbasary Asqar Mamın­niń mindetterine ekonomıka­ny jedel bas­qarý jáne óńir­lik saıasat, kólik ınfraqury­ly­myn jáne lo­gıs­tıkany damytý, qurylysty da­mytý jáne turǵyn úı-kom­mý­naldyq sharýashylyqty jań­­ǵyrtý máseleleri jatady. So­ny­men qatar Asqar Mamın qor­ǵanys-ónerkásip keshenin da­mytý, tótenshe jaǵdaılar jáne ju­myldyrý jumysy, ǵarysh qyz­meti, energııa únemdeý jáne ener­gııa tıimdiligin arttyrý, ener­gııanyń jańartylatyn kózderi, kómir ónerkásibi, atom ónerkásibi jáne ıadrolyq ener­getıka, ınnovasııalar, teh­nı­ka­lyq retteý, elektr ener­getı­ka­sy, geologııa jáne jer qoı­naýyn paıdalaný, munaı hımııa­sy, eksporttyq baqy­laý, qorsha­ǵan ortany qorǵaý, jyly­tý maý­sy­myna daıyndyq jáne ony ót­kizý jáne basqa da máseleler kiredi.

P­remer-Mınıstrdiń bi­rin­­shi orynbasarynyń qyz­met aıasyna sonymen qatar arna­ıy ekonomıkalyq jáne ındýst­rııa­lyq aımaq­tar­dy damytýdy úılestirý, Eýrazııalyq ekonomı­ka­lyq odaq sheńberinde yn­ty­maq­tastyq máseleleri jat­qyzylady.

Premer-Mınıstrdiń oryn­­­basary Erbolat Dosaev­tyń min­­detine el ekonomı­ka­syn úshin­­shi jańǵyrtýdy joba­lyq bas­qarý, memlekettik jospar­laý jú­ıesi, qarjy sek­toryn damytý, mak­roekonomıka­­lyq, bıýdjet, salyq jáne ke­den saıasaty, ShOB pen memle­ket-jeke­menshik áriptestigin damytý, sony­men qatar bilim berý men ǵylym­dy damytý, den­saý­lyq saq­taý, áleýmettik jań­ǵyr­tý, jumys­pen qamtý, din, tý­rızm, máde­nıet jáne sport, demo­grafııa jáne kóshi-qon saıasaty, tarıf saıasatyn úıles­tirý jáne basqa da máseleler bekitilgen.

Premer-Mınıstrdiń oryn­basary Asqar Jumaǵalıev salalardy sıfrlandyrý jáne sıfrly ekonomıkany damy­tý, aq­pa­rattandyrý, baıla­nys jáne aqparattyq qaýip­sizdik, «elek­trondy úkimet­ti», aqparattyq tehno­logııa­lar­dy damytý, memle­kettik kórse­tiletin qyzmetterdi avtomat­tandyrý, elektrondy kom­­mersııa, spýtnıktik baıla­nys­­ty damy­tý, memlekettik aqpa­rat­­tyq saıasatty iske asyrý jáne bas­qa da máselelerdi úılesti­redi. Premer-Mınıstrdiń oryn­basary Asqar Myrzahmetov agro­ónerkásiptik keshen, jer qaty­nastary, sý resýrstary, orman sharýashylyǵy, janýar­lar álemi, aýylsharýashylyq mashınasyn jasaý, aýyldy nátıjeli jumys­pen qamtý jáne basqa da máse­lelerge jetek­shilik etedi.

Premer-Mınıstr Keńse­siniń Basshysy Nurlan Alda­bergenov Premer-Mınıstrdi jáne Úkimet basshylyǵyn aqparattyq-taldaý, quqyqtyq, uıymdastyrýshylyq, proto­kol­dyq, qujattamalyq, mate­rıaldyq-tehnıkalyq jáne ózge de máselelerdi qamtamasyz etýdi iske asyrady.