Búgin Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysynda Qazaqstanda elektrondy bilim berýdi damytý máseleleri qaraldy. Onda elektrondy bilim berýdi engizý boıynsha aqparattyq-kommýnıkasııalyq saladaǵy mınıstrliktiń mindetterin Aqparat jáne kommýnıkasııalar mınıstri Dáýren Abaev jetkizdi.
«Adamı kapıtaldy damytý AKM ázirlep jatqan «Sıfrly Qazaqstan» memlekettik baǵdarlamasynyń jobasynda kórinis tapty. Osylaısha, baǵdarlama sıfrlandyrýdyń artyqshylyqtaryn paıdalaný múmkindikterin keńeıtýge qajetti halyqtyń daǵdylary men quzyretterin damytý arqyly kreatıvti qoǵam qurýdy, sondaı-aq ekonomıka salalary úshin aqparattyq-kommýnıkasııalyq tehnologııalar salasyndaǵy mamandar daıarlaýdy qarastyrady», dedi D.Abaev.
Mınıstr aıtyp ótkendeı, baǵdarlama aıasynda Bilim jáne ǵylym mınıstrligi ekonomıka salalary úshin aqparattyq-kommýnıkasııalyq tehnologııalar salasynda mamandar daıarlaý úshin 8 is-sharany iske asyrý qarastyrylǵan. Atalǵan baǵyttardy iske asyrý bilim berý júıesi men jumys berýshiler arasynda baılanys ornatý úshin múmkindikter ashady, sondaı-aq ekonomıkalyq damýdyń qýatty qozǵaýshy kúshi retinde oqý oryndarynyń rólin kúsheıtedi.
Mınıstrlik BǴM-men birge hostıng qyzmet kórsetýleri aıasynda BǴM-niń aqparattyq júıelerin vırtýaldy serverge kóshirý boıynsha jumys júrgizip jatyr, dedi D. Abaev.
Dınara BITIK, «Egemen Qazaqstan»