Qazaqstan ulttyq quramasynyń shabýylshysy Sergeı Hıjnıchenko 2018 jylǵy álem chempıonatyna irikteý kezeńi aıasyndaǵy Rýmynııa-Qazaqstan matchy aldynda jýrnalsterdiń suraqtaryna jaýap berdi.
– Sergeı, erteńgi oıyn týraly qandaı pikirdesiz?
– Rýmynııa quramasy jańa bapkerdiń qol astynda alǵashqy oıyndaryn ótkizbek. Sondyqtan olar óz jerinde, jankúıerleri aldynda oınaǵan soń jeńiske jetýge tyrysady. Degenmen biz de Rýmynııaǵa jeńis úshin kelgenimizdi aıtqym keledi.
– Eki qurama da álem chempıonatyna shyǵý múmkindiginen aıyryldy. Erteńgi matchtan jankúıerler tartysty oıyn kútýine bola ma?
– Árıne, jankúıerler úshin árbir oıyn mańyzdy. Rýmynııaǵa jeńis úshin kelgen soń, barymyzdy salyp oıynaýǵa tyrysamyz. Jankúıerler úshin de erteńgi oıyn tartysty bolady dep oılaımyn.
- Qazaqstanda fýtbol maýsymy aıaqtalýǵa jaqyn. О́z múmkindigińizdi qalaı baǵalaısyz? Sharshap qalǵan joqsyz ba?
- Ulttyq qurama úshin kez kelgen fýtbolshy tańǵy altyda turýǵa daıyn. Sonymen qatar, oıynshy alańǵa shyǵyp, jaqsy oıynymen ózin Ulttyq quramaǵa beker shaqyrylmaǵanyn dáleldeý kerek dep esepteımin. Al, sharshaý týraly fýtbolshylarda sóz bolmaýy kerek. Bizdiń maqsat - alańǵa shyǵyp, berilgen tapsyrmany 100 paıyz oryndaý.
Álı BITО́RE,
«Egemen Qazaqstan» –
Býharestten
Sýret avtory – Ilııas Omarov