Birneshe kún buryn Sanıtarlyq avıasııanyń An-28 ushaǵy Almaty mańynda apatqa ushyraǵan bolatyn. Búgin Premer-mınıstr Baqytjan Saǵyntaev Úkimet otyrysy kezinde birqatar tapsyrma berdi,
"Jaqynda qaıǵyly oqıǵa boldy, ekıpaj ókilderi men dárigerler qaza boldy. Bul qaıǵyly oqıǵa sanıtarlyq avıasııa salasynda úlken qıyndyqtar baryn kórsetip otyr. Eski ushaqtar ushyrylyp, ushý qaýipsizdigi saqtalmaı otyr, al aımaqtarda áýe kemelerin táýlik boıy qabyldaýǵa jaǵdaı joq. Osynyń saldarynan joǵary bilikti mamandar men aýyr haldegi naýqastardyń ómiri qaýipte qalyp otyr", - deıdi Saǵyntaev.
Úkimet basshysy Densaýlyq saqtaý, Investısııalar jáne damý, Ishki ister mınıstrlikterine jáne basqa da múddeli memlekettik organdarǵa ushaq apatyna qatysty egjeı-tegjeıli tergeý júrgizip, áýetasymaldaýshylarǵa talaptardy kúsheıtip jáne osy sııaqty jospardan tys ushýlardy júzege asyrý úshin barlyq jaǵdaı jasaýdy tapsyrdy.
Eske salaıyq, 3 qazanda East Wing áýekompanııasynyń AN-28 ushaǵy ushyp shyqqannan keıin 12 mınýt ótkende radardan joǵalyp ketken edi. Keıin ushaq Almaty túbinde órtenip jatqan jerinen tabylǵan. Bortta bolǵan bes adam qaza tapqan.