Kásipqoı boksta jeńil salmaqtaǵy WBA (Super) belbeýiniń ıegeri otandasymyz Janat Jaqııanovtyń (27-1, 18 KO) 21 qazan kúni IBF tujyrymy boıynsha álem chempıony brıtanııalyq Raıan Barnettke (17-0, 9 KO) qarsy ótetin kezdesýdi otandyq QazSport telearnasy tikeleı efırde kórsetedi. Bul týraly «Qazaqstan» RTRK AQ basqarmasynyń basshysy Erlan Qarın málimdedi.
21 qazannan 22 qazanǵa aýysqan túni qazaq boks jankúıerleri otandasymyz Janat Jaqııanovtyń jekpe-jegin tikeleı efırde kóre alady.
Boks keshi 21 qazan kúni 00:30-da bastalsa, Jaqııanov-Barnett aıqasy Astana ýaqyty boıynsha 03:45-ke josparlanǵan», dedi E.Qarın. Jaqııanov pen Barnett arasyndaǵy kezdesý 21 qazan kúni Soltústik Irlandııanyń Belfest qalasyndaǵy SSE Arena sport kesheninde ótedi.
Álı BITО́RE, «Egemen Qazaqstan»