Premer-Mınıstr Baqytjan Saǵyntaevtyń tóraǵalyǵymen ótken Úkimet otyrysynda eńbek naryǵyn jańǵyrtýǵa baǵyttalǵan zań jobasy qaraldy. Qujatty eńbek jáne halyqty áleýmettik qorǵaý mınıstri Tamara Dúısenova tanystyrdy. Bul týraly primeminister.kz habarlady.
Spıkerdiń aıtýynsha, zań jobasy Memleket basshysynyń tapsyrmalaryna sáıkes ázirlendi. Ázirleýshiler elektrondy eńbek bırjasyn qurýdy kózdeıdi, ol memlekettik jáne jeke jumyspen qamtý ortalyqtarynyń aqparatyn, azamattar men jumys berýshiler ózdiginen usynǵan rezıýmeler men bos jumys oryndarynyń basyn biriktiretin Biryńǵaı elektrondyq alań bolady. Jańa elektrondyq baza azamattarǵa, sondaı-aq jumys berýshilerge, jumyspen qamtýdyń jekeshe agenttikterine jáne ınternet alańshalarǵa tegin aqparattyq qyzmet alýǵa múmkindik beredi.
Zań jobasy jumyssyzdar men ózin-ózi jumyspen qamtyǵan azamattarǵa kómek kórsetý boıynsha qyzmet kórsetýge jumyspen qamtýdyń jekeshe agenttikterin tartýdy usyndy. Osy maqsatta memleket júzege asyratyn jáne aýtsorsıngke beriletin fýnksııalardyń tizbesi aıqyndaldy. Osylaısha, jumyssyz jáne ózin-ózi jumyspen qamtyǵan azamattardy kásiptik baǵdarlaýdy, olardyń oqýyn jáne jumysqa ornalasýyn uıymdastyrýdy aýtsorsıngke berý josparlanyp otyr.
Ekinshiden, jumyspen qamtýdyń jekeshe agenttikterine jeke qyzmet túrlerin nemese mysaly, oqytýdy jáne jumysqa ornalastyrýdy ne kásiptik baǵdarlaýdy, oqytýdy jáne jumysqa ornalastyrýdy qamtıtyn qyzmetter paketin kórsetý múmkindigi beriledi.
Úshinshiden, jeke sektor, qyzmet tarıfteri úshin tartymdy standarttardy jańartý jáne ekonomıkalyq úmitti aqtaý kózdelip otyr.
Tórtinshi ózgeris memlekettik Jumyspen qamtý ortalyqtaryn kezeń-kezeńmen transformasııalaýdy kózdeıdi. Bul rette, jumyspen qamtý ortalyqtary memlekettik mekemelerden sharýashylyq júrgizý quqyǵyndaǵy kásiporyndar nysanyna aýystyrylatyn bolady. Uıymdastyrýshylyq-quqyqtyq formany jergilikti atqarýshy organdar ózderi aıqyndaıdy.
Ázirleýshilerdiń pikirinshe, usynylyp otyrǵan ózgerister jumyspen qamtýǵa járdemdesý boıynsha qyzmet kórsetetin eńbek naryǵy ınstıtýttaryn keńeıtýge, olardyń azamattarǵa qoljetimdiligin qamtamasyz etýge jáne básekelestik esebinen sapany arttyrýǵa múmkindik beredi.
Zań jobasynda 4 Kodekske jáne 5 Zańǵa ózgerister men tolyqtyrýlar engizý usynylǵan.