Búgin Úkimet otyrysy barysynda Premer-Mınıstr Baqytjan Saǵyntaev Qyrǵyzstan Prezıdentiniń aıtqan sózderine qatysty jarııalanǵan málimdemesine túsinikteme berdi. Sonymen qatar, Qazaqstan qyrǵyz halqymen árqashan dostyq qarym-qatynasty saqtap kelgenin atap ótti.
Baqytjan Saǵyntaev Qyrǵyzstan Prezıdenti A. Atambaevtyń esh negizsiz, sıfrlardy burmalaýǵa negizdelgen orynsyz sózderine baılanysty málimdeme jasaǵanyn atap ótti. QR Premer-Mınıstri senimdi faktilermen bekitilgen Úkimettiń resmı pozısııasyn jetkizgenin basa aıtty.
Baqytjan Saǵyntaev Qazaqstannyń jetistikteri daýsyz, halyqaralyq qoǵammen moıyndalǵan jáne oǵan Qazaqstan Prezıdenti Nursultan Nazarbaevtyń baǵyty men saıası kóshbasshylyǵynyń arqasynda qol jetkizilgenin atap ótti.
Sóz sońynda QR Premer-Mınıstri Qazaqstan Qyrǵyzstanmen árqashan seriktestik qarym-qatynasty saqtap kelgenin atap ótti. Mysal retinde, Qyrǵyz Respýblıkasynyń barlyq kólik jáne saýda joldary – avıa, temirjol, avtomobıl baǵdarlary – Qazaqstan arqyly ótedi, onda eshqashan shekteý sharalary qoldanylmaǵan. Budan ózge, osy jyldar boıy QR qyrǵyz halqyna kómektesip, Qyrǵyzstan basshylyǵynyń ótinishterine túsinistikpen qarap keledi.