Osy kúnderi elimizde latyn álipbıine kóshý máselesi qyzý talqylanyp jatyr. О́z basym Memleket basshysynyń bul bastamasyn óte oryndy ári durys dep sanaımyn.
Al endi Elbasynyń qatysýymen álipbıdiń sońǵy nusqasyn talqylaǵanda eldiń, halyqtyń pikiri oryndy eskerilgendigin kórdik. О́ıtkeni alǵashqy tanystyrylǵan nusqa men sońǵy usynylǵan úlgige qarap, kóptegen ózgerister men tolyqtyrýlar engizilgeni baıqaldy. Ásirese sońǵy úlgide álemde keńinen qoldanysta júrgen nusqaǵa jaqyndyǵy ańǵarylady desek te bolady.
Jalpy, latyn tańbasyna kóshýimiz bizdi jáne bizdiń bolashaǵymyzdy álemdik deńgeıdegi órkenıetke bir qadam bolsa da jaqyndata túsedi. Sonymen qatar dúnıeniń tórt buryshyna tarydaı shashylǵan qandastarymyzdyń ózara túsinisýine edáýir oń yqpalyn tıgizedi dep sanaımyn. Sondyqtan da bizdiń qazirgi qamdanýymyz óte-móte muqııat ári tııanaqty júrgizilýi tıis.
Erbolat MUQAEV, Senat depýtaty