QR Prezıdenti Nursultan Nazarbaev Qazaqstan men Serbııa arasyndaǵy, sondaı-aq Eýrazııalyq ekonomıkalyq odaqqa múshe memleketter arasyndaǵy kelisimderdi ratıfıkasııalaý týraly birqatar zańǵa qol qoıdy. Bul týraly Aqordanyń baspasóz qyzmeti habarlaıdy.
Memleket basshysy tómendegi zańdarǵa qol qoıdy:
— «Qazaqstan Respýblıkasy men Serbııa Respýblıkasy arasyndaǵy sottalǵan adamdardy berý týraly kelisimdi ratıfıkasııalaý týraly»;
— «Qazaqstan Respýblıkasy men Serbııa Respýblıkasy arasyndaǵy qylmystyq ister boıynsha quqyqtyq kómek týraly shartty ratıfıkasııalaý týraly»;
— «Qazaqstan Respýblıkasy men Serbııa Respýblıkasy arasyndaǵy ustap berý týraly shartty ratıfıkasııalaý týraly»;
— «Eýrazııalyq ekonomıkalyq odaqqa múshe memleketter arasyndaǵy qyzmettik jáne azamattyq qarýdy ótkizý týraly kelisimdi ratıfıkasııalaý týraly».
Zańdardyń mátini baspasózde jarııalanady.