B. Izmuhambetov Úkimet basshysyna depýtattyq saýal joldady

Osy zańǵa sáıkes, jer qoınaýyn paıdalanýshy josparlanǵan qyzmettiń qorshaǵan ortaǵa tıgizetin áserine baǵa bere otyryp, barlyq ekologııalyq jáne sanıtarlyq-epıdemıologııalyq talaptardy oryndaýǵa mindetti. Alaıda, sońǵy kezder­de teńiz jaǵalaýynda memleket­tik organdar apatty uńǵymalar­dan munaıdyń aǵý faktilerin jıi tirkep otyr. Jer qoınaýyn paıdalanýshylardyń kelisimshart aýmaqtarynda oqshaýlaý-joıý jáne rekýltıvasııalaý jumystary qajetti kólemde júrgizilmeýde. 

Qazaqstan Respýblıkasy Inves­tı­sııalar jáne damý mınıstrliginiń Geo­logııa jáne jer qoınaýyn paıdala­ný komıteti 2010 jyly Kaspıı teńiziniń sý basý aýmaǵynda munaı jáne gıd­ro­geo­logııalyq uńǵymalarǵa júrgizgen tekserý jumystary barysynda 836 munaı uńǵymalaryn anyqtap, onyń 89-y apatty jaǵdaıda bolyp tanylǵan.

Búgingi kúni Qazaqstan Respýb­lı­kasynyń Energetıka mınıstrliginiń má­limeti boıynsha, «QazMunaıGaz» ulttyq kompanııasy» aksıonerlik qoǵamy jáne «Embamunaıgaz» aksıonerlik qoǵamynyń kelisimsharttyq aýmaǵynda 14 munaı uńǵymasy ǵana tyǵyndaýdy qajet etedi. Kóterilip otyrǵan máseleniń mańyz­dylyǵyn eskere otyryp biz Premer-Mınıstr Baqytjan Saǵyntaevtan kelesi suraqtarǵa jaýap berýdi suraımyz:

1) Apattyq jaǵdaıdaǵy uńǵymalardyń sany durys pa? 2) Eger durys bolsa qalǵan uńǵymalar kimge tıesili? Uńǵymalardyń ıesi anyq­tal­ǵan ba, anyqtalmasa qashan anyq­ta­lady? 3) Bul uńǵymalardy kim, qashan ty­ǵyn­daıdy? 4) Osy uńǵymalardyń birinde ıesi anyqtalǵanǵa deıin teńizge munaı aǵyp, apat keltirse kim jaýap beredi? Joǵaryda atalǵan zańda jer qoı­naýyn qorǵaý salasyndaǵy talaptardy buzý saldarynan keltirilgen nuqsannyń mól­sherin qorshaǵan ortany qorǵaý sala­syn­daǵy ýákiletti organ Qazaqstan Respýb­lı­kasynyń ekologııalyq zańnama­syna sáıkes aıqyndaıdy delingen. Son­dyq­tan ashyq qaldyrylǵan uńǵymalardy tyǵyn­damaǵan jer qoınaýyn paıdalanýshy tıisinshe jazalanýy tıis dep sanaımyz.   

Baqtyqoja IZMUHAMBETOV, Májilis depýtaty