Halyqaralyq fýtbol federasııasy (FIFA) jyldyń úzdikterin anyqtady.
Portýgalııa ulttyq quramasy men «Real» komandasynyń shabýylshysy Krıshtıaný Ronaldý FIFA nusqasy boıynsha jyldyń úzdik oıynshysy atandy. Bul ataqqa ol osymen ekinshi jyl qatarynan qol jetkizip otyr.
Úzdik oıynshylardyń úshtigin Kafý, Enso Francheskolı, Dıego Maradona, Karles Pýıol, Karlos Valderrama jáne Edvın van der Sar sekildi fýtbol juldyzdarynan quralǵan arnaıy komıssııa qurdy. Olar bul úshtikke portýgalııalyq oıynshydan bólek Lıonel Messıdi jáne Neımardy engizgen bolatyn.
Daýys berý nátıjesi boıynsha Ronaldý Ronaldý: 43.16%, Messı: 19.25%, Neımar: 6.97% daýysqa ıe boldy.
Budan bólek FIFA myna atalymdar boıynsha jyldyń úzdikterin anyqtady:
Úzdik jattyqtyrýshy: Zınedın Zıdan («Real»)
Úzdik qaqpashy: Djanlýıdjı Býffon («Iýventýs»)
Úzdik áıel fýtbolshy: Lıke Martens («Rýsengord»/«Barselona»)
Úzdik áıel jattyqtyrýshy: Sarına Vıgmann (Nıderland ulttyq quramasy)
«Feır-pleı» syılyǵy: Fransıs Kone
Ferens Pýshkash syılyǵy (jyldyń úzdik goly): Olıve Jırý («Arsenal»)
Úzdik jankúıerler: «Seltık»
Jyldyń úzdik quramy: Qaqpashy: Djanlýıdjı Býffon («Iýventýs»); Qorǵaýshylar: Danı Alves («Iýventýs»/«Parı Sen-Jermen»), Marselo («Real»), Serhıo Ramos («Real»), Leonardo Bonýchchı («Iýventýs»/«Mılan»); Jartylaı qorǵaýshylar: Lýka Modrıch («Real»), Tonı Kroos («Real»), Andres Inıesta («Barselona»); Shabýylshylar: Lıonel Messı («Barselona»), Neımar («Barselona»/«Parı Sen-Jermen»), Krıshtıaný Ronaldý («Real»).
FIFA osymen ekinshi jyl qatarynan France Football-dan («Altyn dop») bólek úzdikterdi anyqtap keledi. Daýys berýge ulttyq quramalardyń kapıtandary men bapkerleri, jýrnalıster, sondaı-aq jankúıerler qatysty.