Búgin Almatyǵa jumys sapary barysynda QR Premer-Mınıstri Baqytjan Saǵyntaev «Atameken» UKP О́ńirlik keńesiniń múshelerimen kezdesý ótkizdi, onda shaǵyn jáne orta bıznesti damytýdyń ózekti máseleleri men perspektıvaly baǵyttary talqylandy. Bul týraly primeminister.kz habarlady.
Is-shara barysynda QR ulttyq ekonomıka mınıstri Tımýr Súleımenov Strategııalyq jospar 2025 jobasy aıasynda bıznes ortany damytý týraly baıandama jasady, «Atameken» UKP basqarma tóraǵasy Abylaı Myrzahmetov pen UKP óńdeý salasy komıtetiniń tóraǵasy Vladımır Bobrov bıznestiń memlekettik organdarmen yntymaqtastyǵy jáne memlekettik qoldaý sharalarynyń tıimdiligi máseleleri boıynsha sóz sóıledi.
О́z kezeginde bıznes qaýymdastyq tarapynan talqylaýǵa «Astana Group» kompanııalar tobynyń prezıdenti Nurlan Smaǵulov, «Technodom Operator» AQ dırektorlar keńesiniń tóraǵasy Edýard Kım, «Redpraıs» JShS quryltaıshysy Ramıl Mýhorıapov, «Bazıs-A» holdınginiń dırektorlar keńesiniń tóraǵasy Aleksandr Belovıch, «Sentras Kapıtal» kompanııasynyń dırektorlar keńesiniń tóraǵasy Eldar Ábdirazaqov jáne «Smart Pay» JShS bas dırektory Oljas Qundaqbaev sóz sóıledi.
Kezdesý barysynda qatysýshylar sondaı-aq birqatar máselelerdi talqylady, onyń ishinde: qalalyq avtobýs baǵdarlaryn sýbsıdııalaý, salyqtyq ákimshiliktendirýdi sıfrlandyrý, konsýltatıvtik-keńestik organdar jumysynyń tıimdiligin arttyrý, jer telimderi týraly aqparatqa onlaın-qoljetimdilikti qamtamasyz etý, shaǵyn ındýstrııalyq aımaqtar qurý, JAO beıindik emes aktıvterin naryqtyq ortaǵa aýdarý, sondaı-aq Almatyda tolyq formatty Kásipkerlerge qyzmet kórsetý ortalyǵyn ashý.
Baqytjan Saǵyntaev ShOB damytý Úkimet jumysynyń mańyzdy basymdyqtarynyń biri bolyp tabylatynyn, jáne munda negizgi maqsat otandyq bıznesti damytýǵa jaǵymdy jaǵdaı jasaý ekenin atap ótti.
Bul máselede birqatar baǵyttar boıynsha, atap aıtqanda qarjylyq qoldaý kórsetý boıynsha jumys júrgizilýde. Osylaısha, qazirgi ýaqytta bıznestiń 13 myńnan astam jobasy qarjylandyryldy, О́nimdi jumyspen qamtý jáne jappaı kásipkerlikti damytý baǵdarlamasy qabyldandy, onyń aıasynda ataýly mólsherlemesi 6%-dan aspaıtyn 18 mln teńgege deıin shaǵyn nesıeler usynylady.
Qarjylyq kómekpen qatar, zańnamalyq kómek kórsetiledi — bıznesti qaıta retteý boıynsha sharalar qabyldanady. Búgingi tańda ruqsattar sany úsh eseden asaǵa qysqardy jáne memlekettik baqylaý jáne qadaǵalaý fýnksııalaryn tekserý júrgizildi. Ishinara tekserý júrgizýdiń qazirgi tártibi men erekshe tártip boıynsha tekserýlerdiń kóp bóliginen bas tartýdy kózdeıtin praktıkalyq usynymdar ázirlendi.
Sondaı-aq, zańnamany bıznestiń memlekettik organdarǵa eseptilik pen málimetterdi usyný turǵysynan tekserý jumystary aıaqtaldy. Júrgizilgen jumystyń birinshi kezeńinde shamamen 1600 aqparattyq talaptardy 30% qysqartý josparlanǵan.
Densaýlyq saqtaý jáne bilim berý nysandary qurylysynyń normatıvtik-quqyqtyq jáne tehnıkalyq aktilerindegi talaptar da mańyzdy ekeni atap ótildi. Atalǵan máselelerdi sheshý úshin jumys toby qyzmet etedi, jáne QNjáneE-ge qajetti ózgerister engiziledi. Kelesi kezeńde densaýlyq saqtaý jáne bilim berý uıymdarynyń 30-dan astam eskirgen sanıtarlyq erejelerin alyp tastaý josparlanǵan.
Negizsiz salyqtyq tekserýler boıynsha problemalardy sheshý úshin josparly tekserister sany qysqarady, jetkizýshilerdiń qarsy tekserýleri jáne basqalary alyp tastalady, qorytyndysynda bul tekserýler sanyn 40% qysqartýǵa múmkindik beredi.
Budan ózge, bıznestiń memlekettik satyp alýlarǵa jáne kvazımemlekettik sektor satyp alýlaryna qoljetimdiligin qamtamasyz etý boıynsha úlken jumys júrgizildi, bul baǵytta satyp alýlardyń elektrondy alańy, sanattylyq jáne biliktilik aldy irikteý júıesi engizildi. Sondaı-aq, árbir júıe quraýshy kásiporyn boıynsha jergilikti qamtý úlesin arttyrý jumysy júrgizilýde. Atap aıtqanda, ónim nomenklatýrasyn jáne iri kásiporyndarda suranysty qalyptastyrý úshin taldaý júrgiziledi.
Qorytyndylaı kele, QR Úkimetine bıznestiń damýyna ne kedergi keltiretinin, jáne máselelerdi sheshý úshin memleket tarapynan qandaı kómek kórsetile alatynyn bilý mańyzdy ekeni atap ótildi, sonda atalǵan baǵytta keshendi jumysty qalyptastyrýǵa bolady.