Batys Qazaqstan oblysynyń ekonomıkalyq damýynda oń kórsetkishter baıqalýda.
О́ńirdiń jalpy ónimi jarty jylda 11 paıyzǵa ósip, 990 mlrd teńgeni quraǵan. Bul týraly Ortalyq kommýnıkasııalar qyzmetinde ótken baspasóz máslıhatynda oblys basshysy Altaı Kólginov baıandady. Sonymen qatar ol kelesi jyly Oraldyń áýejaıy kúrdeli jóndeýden ótetinin aıtyp ótti.
«Áýejaı máslesi óte mańyzdy. Biz bul rette ashyq aspan qaǵıdasyn qoldanýymyz qajet. Ol ınvestısııaǵa da jaqsy, sonymen qatar bizdiń jolaýshylarǵa da tıisti qolaıly jaǵdaı týǵyzýǵa múmkindik beredi. О́zderińizge belgili osydan eki jyl buryn ushý-qoný joly jóndeldi. Qazirgi ýaqytta ol tıisti standarttarǵa sáıkes keledi. Buryn uzyndyǵy 2 shaqyryp 400 metr bolatyn bolsa, qazir 2 shaqyrym 800 metr. Iаǵnı ushaqty barlyq túrlerin qabyldaı alady. Sonymen qatar eni de keńeıdi. Ol boıynsha másele joq. Buryn qıyn bolatyn. Qazirgi ýaqytta termınal týraly másele týyndap tur. Ol eski. Qyryq jyldan asyp ketti. Qazirgi zamanaýı talaptarǵa ol sáıkes kelmeıdi. Oǵan turǵyndar tarapynan da, jolaýshylar tarapynan da kóptegen shaǵymdar, synı pikirler de túsip jatyr. Biz ony qabyldaımyz. Jeke kásipkerdiń qolynda. Biraq biz oǵan damý, ilgerileý bolýy kerek degen talap qoıyp otyrmyz. Sol sebepti biz memlekettik jeke menshik seriktestiktiń aıasynda sony jasaımyz. Qazirgi tańda jobalyq smetalyq qujattama daıyndalýda. Ol termınaldy biz keńeıtemiz. Azamattardyń ushý-qoný bólmeleri durystalady. Júk qabyldaý oryndary tıisti dáreje de jóndeledi. Bul jumystar kelesi jyly bastalatyn bolady. Qarajat kózin taptyq. Bizdiń negizgi maqsatymyz azamattarǵa qolaıly jaǵdaı jasaý. Halyqaralyq reıster ashyldy. Aldaǵy ýaqytta biz ony kóbeıtemiz», dedi Altaı Kólginov.
Raýan Qaıdar,
"Egemen Qazaqstan"