Memleket basshysy 2012 jyly «Qazaqstan-2050» strategııasynda «2025 jyldan bastap latyn álipbıine kóshýge kirisemiz» dep málimdegen bolatyn. Bıylǵy sáýirdegi «Bolashaqqa baǵdar: rýhanı jańǵyrý» atty baǵdarlamalyq maqalasynda Elbasy «Úkimet qazaq tilin latyn álipbıine kóshirýdiń naqty kestesin jasaýy tıis» dep naqty tapsyrma berdi.
Keńes ókimeti bıligi tusynda álipbıimiz birneshe ret aýystyryldy. 1929-1940 jyldary latyn álipbıi qoldanysqa engizilse, 1940 jyly kırıllısaǵa kóshirildi. Osy ýaqytqa deıin kırıllısamen oqyp, jazyp kelemiz. Keńes bıligi halqymyzdy máńgúrttendirý, tarıhı jadynan aıyrý úshin ádeıi osyndaı saıasat ustandy. Osydan baryp keıingi urpaq arab jazýymen jazylǵan dúnıelerdi oqı almaı, kóp nárseden maqurym qaldy. Mine, oı, sana otarlanýynan qutylý úshin álipbıdi aýystyrý qajet dep oılaımyn.
Qazir álem shapshań damý ústinde. Zaman talabyna ilesý úshin biz de barlyq jaǵynan ózgerýimiz kerek. Sonyń biri – latyn álipbıine kóshý máselesi. Álemde 3 mıllıardtan astam halyq latyn álipbıin qoldanady. Jahandaǵy ǵylymı eńbekterdiń, tehnologııadaǵy jetistikterdiń 90 paıyzy latyn áripterimen, ıaǵnı, aǵylshynsha jazylǵan. О́rkenıetti, damyǵan elderdiń qataryna qosylyp, bilimdi bolý úshin zaman talaby aǵylshyn tilin bilýdi qajet etip otyr.
KSRO qursaýynan bosaǵannan keıin TMD aýmaǵyndaǵy Ázerbaıjan, Túrikmenstan, Moldova elderi ile-shala latyn álipbıine kóshti. Túrkııa 1928 jyldan latyn álipbıin qoldanady. Sondaı-aq basqa túrkitildes eldermen, dúnıe júzine tarydaı shashyraǵan qandastarymyzben qarym-qatynas jasaý úshin latyn álipbıine kóshýdiń mańyzy zor. Sheteldegi qazaqtar kırıllısany ıgerýde qıyndyqtarǵa tap bolyp, túp-tamyrynan aıyryla jazdady.
«Menińshe latyn álipbıin úırený búgingi qazaq jastaryna qıynshylyq, kedergi ákelmeıdi. О́ıtkeni, mektep qabyrǵasynda balalarymyz aǵylshyn tilinde oqyp, latyn áripterin onsyz da oqyp júr» deıdi el Prezıdenti. Elbasy tıisti mınıstrlikterge, vedomstvolarǵa 2025 jyldan latyn álipbıine kóshýdi tapsyrdy. Búginde seń qozǵaldy. Oǵan daıyndyq jumystary qarqyndy júrgizilýde.
2025 jylǵa qaraı is qaǵazdaryn, merzimdi baspasózdi, oqýlyqtardy jáne basqalardyń bárin latyn álipbıimen basyp shyǵara bastaıdy. Mektep muǵalimderi daıarlyq kýrsynan ótedi. Úlkender úshin daıarlyq ortalyǵy jumys isteıdi. Latyn álipbıine tolyq kóshkenge deıin kırıllısany ýaqytsha qoldana turady.
Elbasynyń latyn álipbıine kóshý týraly ıdeıasyn aýyl turǵyndary da qoldap otyr. Telearnadan parlamenttik tyńdaýdy kórgennen keıin Baldyberek aýyldyq ardagerler keńesiniń tóraǵasy Túımebek Ámirov «latyn álipbıine kóshý bolashaǵymyz úshin asa qajet. Oǵan erterek kóshsek, jastarymyz álemdik ozyq ǵylym-bilimdi, tehnologııa jetistikterin ıgerip, Otanymyzdy damytýǵa atsalysatyn bolady. Latyn álipbıin ıgerýdiń esh qıyndyǵy joq. О́ıtkeni qazir balalarymyz mektepte aǵylshynsha jazyp, oqyp júr» dep kóptiń oıyndaǵysyn aıtty.
Kóshkinbaı ELIKBAEV, ardager ustaz, Tólebı aýdanynyń qurmetti azamaty,
«Qurmet» ordeniniń ıegeri
Ońtústik Qazaqstan oblysy, Tólebı aýdany, Qaratóbe aýyly