Oblys ortalyǵyndaǵy Saıajaı dep atalatyn shaǵyn aýdanda «Greenwich» gıpermarketi saýda orny óz jumysyn bastady.
Bul jerde buryn qurylysy aıaqtalmaı uzaq jyldar turǵan ǵımarat bolǵan-dy. Endi mine, jańa zaman saýda úıi jańaryp, jarqyrap tur.
Gıpermarkettiń boı kóterip, iske qosylýyna 130 mıllıon teńge jumsalyp, qazir 60 adam jumysqa alyndy. Saýda úıiniń sóreleri tolyp tur, ne kerektiń bári de bar. Saıajaı shaǵyn aýdany oblys ortalyǵynan shetkeri ornalasqandyqtan, azyq-túlik ónimderi, kókónis, basqa da kúndelikti tutyný zattary bar gıpermarkettiń qajettigi burynnan beri-aq aıytylyp júrgen-di.
Ekinshi bir ereksheligi, saýda úıinde Halyqqa qyzmet kórsetý ortalyǵynyń ashylýyna shaǵyn aýdan turǵyndary qýanyshty. О́ıtkeni, oblys ortalyǵynda ornalasqan ortalyqtyń negizgi keńsesiniń júktemesin azaıtýǵa múmkindik beredi. Endi kóshi-qon polısııasynyń keńsesi de ashylýy múmkin. Bul keńse memlekettik-jeke menshik áriptestik sheńberinde jumys jasaýda. Ortalyq saýda úıine jalgerlik tólemaqy jasalmaıdy, tek kommýnaldyq qyzmetter tólenedi. Shaǵyn aýdan turǵyndary úshin tıimdi jaǵdaı jasaldy.
Farıda Byqaı,
«Egemen Qazaqstan»
Pavlodar