Qazaqstan Respýblıkasy Prezıdentiniń kómekshisi – Qaýipsizdik Keńesiniń hatshysy Vladımır Jumaqanovtyń jáne Tájikstan Respýblıkasy Qaýipsizdik Keńesiniń hatshysy Abdýrahım Kahharovtyń tóraǵalyǵymen Qazaqstan men Tájikstan Qaýipsizdik Keńesteri apparattary arasyndaǵy josparly konsýltasııalar ótti. Bul týraly Prezıdenttiń baspasóz qyzmeti habarlady.
Is-sharaǵa eki eldiń birqatar memlekettik organdarynyń basshylary men jaýapty qyzmetkerleri qatysty.
Kezdesý barysynda Qazaqstan men Tájikstannyń terrorızmmen jáne dinı ekstremızmmen kúres, zańsyz mıgrasııaǵa qarsy is-qımyl salalaryndaǵy áriptestigin kúsheıtý máseleleri qaraldy. Sonymen qatar taraptar Aýǵanstandaǵy áskerı-saıası ahýal jáne osy óńirden tónetin qaýip-qaterlerge qarsy turý sharalary jóninde oı bólisti.
Sondaı-aq V.Jumaqanov transshekaralyq uıymdasqan qylmyspen jáne zańsyz esirtki aınalymymen kúresý máselelerine qatysty ekijaqty ózara is-qımyldyń mańyzdy ekenine nazar aýdardy. Taraptar aqparattyq qaýipsizdik salasy boıynsha turaqty túrde derekter almasyp turýdy jáne eki eldiń mamandary arasynda kezdesýler ótkizýdi usyndy.
О́tken talqylaýlardyń nátıjesinde Qazaqstan Respýblıkasy men Tájikstan Respýblıkasynyń Qaýipsizdik Keńesteri qabyldanǵan birlesken sheshimderdi iske asyrýǵa baǵyttalǵan naqty qadamdar jasaý jóninde ýaǵdalasty.