Janar-jaǵarmaı máselesi boıynsha depýtattyq saýal joldandy

Kezinde memleket tapshylyqty joıý úshin janar-jaǵarmaı jetkizýshilerdiń basqa túrlerin izdep, ımporttyń tizbesin ózgertkeni jáne taǵy basqa sharalar jasaǵany da esimizde. Biraq osy ispen aınalysatyn mınıstrlik aqyrynda janar-jaǵar maı jetkizý jumysyn erkine jiberdi. Sonyń nátıjesinde 2015 jyldyń shildesinen AI-92 benzıniniń, al 2016 jyldyń tamyzynan dızeldi otynnyń baǵasyn retteýden bas tartty.

Májilistiń «Halyq kommýnısteri» frak­sııasynyń 2014 jylǵy kúzdegi janar-jaǵarmaı tapshylyǵyna baıla­nys­­ty saýalyna bergen jaýabynda Úkimet eli­mizdegi barlyq MО́Z zaýyt­taryn jańa­landyrý jumystary aıaqtal­ǵan soń mun­daı keleńsizdikterge jol berilmeıdi dep jaýap bergen. Al onyń merzimi 2016 jyl­dyń aıaǵy degen bolatyn. Osy jaýapta tipti 2017 jyldan bas­tap Qazaqstan Eýro-4 jáne Eýro-5 mar­kaly joǵary sapaly benzınmen qamta­masyz etiledi delingen edi. Sol ýáde qaıda qaldy?

Búgingi tańda biz Úkimettiń optı­mıstik boljamdarynyń bári shyndyqqa saı emestigine kózimiz jetip otyr. Eli­mizde munaı óńdeý jumysyn damy­tý­dyń uzaqmerzimdik jospary joq eken­digi bilinip tur. Halyq sonyń soryn tatyp, janar-jaǵarmaıdyń kezek­ti ret qymbattaıtyndyǵyna nara­zylyq bildirýde. Al olardyń nara­zylyǵy ádiletti ekendigi daýsyz. Munaı ón­dirýden álemdegi aldyńǵy qatarly el­derdiń biri bola turyp, benzın tap­shylyǵyna ushyraý kimdi de bolsa alań­datary sózsiz. Onyń ústine janar-jaǵarmaı baǵasy qymbattasa ol barlyq taýarlar men qyzmetter baǵasynyń ósýine soqtyratynyn da halyq biledi. So­nyń ishinde áleýmettik mańyzy bar tuty­ný zattarynyń qymbattaýy – halyq nara­zy­lyǵyn arttyra túseri sózsiz. Ol ın­fl­ıasııanyń da artyp, teńgeniń qunsyz­dana túserine jalǵasatyny da belgili.

Elbasy N.Nazarbaev budan úsh jyl burynǵy Joldaýynda janar-jaǵar­maı tapshylyǵyn boldyrmas úshin qo­sym­sha MО́Z salý qajettigin aıtqan edi. Biraq Úkimet eldegi úsh MО́Z-di ja­ńa­l­an­dyrýdyń ózimen bul máseleni she­shemiz degen qorytyndy shyǵardy. Ýaqyt bul sheshimniń durys emestigin kórsetip otyr.

Osynyń ústine jylytý maýsymy bastalǵanda kómir men gazdyń qymbattap ketkeni de halyq narazylyǵyn týdyrýda. Júz mıllıon tonnadan artyq kómir óndiretin elde halyqtyń qapshyqpen nemese sómkelerimen ony tasyp júrgenin kórgende uıattan órttenesiń.

Osyndaı máselelerdiń bolý sebebin anyqtaý maqsatymen Májilistegi «Halyq kommýnısteri» fraksııasy Úkimet basshysy Baqytjan Saǵyntaevtyń atyna depýtattyq saýal joldap, myna suraq­tarǵa jaýap berýin ótindi:

1.Elbasy N.Nazarbaevtyń 2014 jyl­dyń 17 qańtarynda jarııalaǵan Jol­daýynda aıtylǵan tórtinshi MО́Z salý týraly tapsyrmasyn oryndamaý týraly bastamany kótergen kim?

2.Munaı ónimderimen ishki rynokty qamtamasyz etýdiń uzaqmerzimdik baǵ­dary bar ma? Bar bolsa bul baǵdar onyń baǵasyn kótermeýdi qarastyrǵan ba?

3.Munaı ónimderin jasaý men satý ryno­gyndaǵy básekelestikti damytý boıynsha qandaı sharalar qabyldanǵan?

4.Azamattardyń monopolııaǵa, baǵa­ny kóterýge astyrtyn kelisýge qarsy quqyq­­taryn qorǵaý isimen aınalysa­tyn óki­letti organnyń 2016-2017 jylǵy ju­mys­tarynyń nátıjesi týraly aqparat berýińizdi suraımyz.

Bul suraqtardyń jaýabyn bilýge bizdiń de, halyqtyń da qaqy bar dep sanaımyz.

Aıqyn QOŃYROV,

Májilis depýtaty