Oblystyq ákimdiktiń otyrysynda Qarjy mınıstrligi ishki memlekettik aýdıt komıteti oblystyq departamentiniń jańa basshysy tanystyryldy.
Bul qyzmetke Zylıha Tursynǵalıqyzy Otarǵazıeva taǵaıyndaldy.
Ol 1964 jyly Batys Qazaqstan oblysy Shyńǵyrlaý aýdanynda týǵan.
Pavlodar polıtehnıkalyq tehnıkýmyn, Almaty halyq sharýashylyǵy ınstıtýtyn, Qazaq gýmanıtarlyq zań ýnıversıtetin bitirgen. Tehnık-tehnolog, ekonomıst, zańger bakalavry mamandyqtary bar.
Eńbek jolyn Alǵa maı daıyndaý zaýytynda ınjener-tehnologtan bastaǵan. Keıin qyshqyl sút sehynyń basshysy, jetekshi ekonomıst, josparlaý bóliminiń basshysy, ekonomıkalyq máseleler jónindegi dırektordyń orynbasary bolǵan.
2005-2017 jyldary Aqtóbe oblysy boıynsha qarjylyq baqylaý jáne memlekettik satyp alý basqarmasynda, qarjylyq baqylaý ınspeksııasynda, ishki memlekettik aýdıt departamentinde jaýapty qyzmetter atqarǵan.
О́mir ESQALI, «Egemen Qazaqstan»