Álemdik medısınalyq tehnologııalardyń adam ómirin saqtaýdaǵy ǵajaıyptary qatty bilinip keledi. Máselen, buryn ata-babalarymyz qyrqulaq, oba, súzek indetinen baýdaı túskendigi belgili. Sheshekten qyrylyp qalǵan. Al, búginde soqyrishek degenińiz pyshaqqa túspeı-aq laparaskoppen sýyryp alatyn kúıge jetti.
Endi ońtústiktiń dárigerleri angıografııa apparatymen jumys istep jatyr. Jartylaı robot qondyrǵy arqyly naýqasqa pyshaq tımeı endovaskýlarly ádis qoldanylady.
– Bul qondyrǵy, angıografııa, qan tamyrlary men onyń tóńiregindegi ulpalardy rentgen sáýleleri arqyly tekserýdiń jańa ádisi bolyp tabylady. Munyń tıimdiligi orasan. Qozǵalys shektelip, qan tamyrlary tarylyp, onda aqaý kóbeıgen tusta dıagnozdy dóp basýǵa septigin tıgizedi. Arnaıy apparat qan tamyryna ornalastyrylatyn arnaıy kateter arqyly jumys isteıdi, – deıdi oblystyq densaýlyq saqtaý basqarmasynyń basshysy Muhan Egizbaev.
Qan tamyrlary, júrek talmasy sııaqty aýrýlar ońtústik medısınasynyń álsiz tusy edi. Elbasynyń synyna da ushyraǵan. Eldi bul keselge de em tabylyp jatyr. Ońtústik Qazaqstan oblystyq klınıkalyq aýrýhanasy angıografııa apparatyn alǵash iske qosqan medısınalyq mekeme. Endi qan tamyrlary júıesi boıynsha jasalatyn kúrdeli otalar osy aýrýhananyń bazasynda ótkiziledi.
Baqtııar TAIJAN, «Egemen Qazaqstan»
Ońtústik Qazaqstan oblysy