Osy jyldyń basynda Qazaqstannyń azamattyq sektorynda úkimettik emes uıymdarǵa grant usyný máselesi boıynsha biraz syn aıtylǵan bolatyn.
Osyǵan oraı, «Azamattyq bastamalardy qoldaý ortalyǵy» kommersııalyq emes aksıonerlik qoǵamy grant alýshylardyń benefısıarlar aldyndaǵy ashyqtyǵyn qamtamasyz etý úshin turaqty túrde jańa mehanızmder engizip keledi. «Úkimettik emes uıymdarǵa grant berý jáne júzege asyrylýynyń monıtorıngin jasaý erejesine» ózgertýler engizildi. Baıqaý komıssııasynyń tizimi jasalýda, sondaı-aq, grant alýshylardyń onlaın-esebi ortalyqtyń saıtynda jarııalandy.
2017 jyldyń 9-10 qarashasy kúni saǵat 10:00-de «Nur Otan» Ortalyq apparatynyń konferens-zalynda grant alýshylar jobanyń júzege asýy men nátıjesi týraly esep beredi.
Jıynǵa Din isteri jáne azamattyq qoǵam mınıstrligi, Bilim jáne ǵylym mınıstrligi, Densaýlyq saqtaý mınıstrligi, Eńbek jáne áleýmettik qorǵaý mınıstrligi, Energetıka mınıstrligi, sondaı-aq Mádenıet jáne sport mınıstrligi ókilderimen qatar, azamattyq sektor, qoǵamdyq keńes, úkimettik emes uıymdar men halyqaralyq uıymdar ókilderi, 3 baıqaýdyń saraptamalyq komıssııasynyń músheleri, grant ıegerleri jáne basqa da múddeli uıymdar qatysady.
Din isteri jáne azamattyq qoǵam mınıstrligi janynan qurylǵan «Azamattyq bastamalardy qoldaý ortalyǵy» kommersııalyq emes aksıonerlik qoǵamy 2017 jyly granttyq qarjylandyrý salasynda 12 baǵyt boıynsha 618,5 mln. teńgege 57 jobany júzege asyryp jatyr.
«Azamattyq bastamalardy qoldaý ortalyǵy» KEAQ (budan ári – Ortalyq) Qazaqstandaǵy úkimettik emes uıymdar men memlekettiń qarym-qatynasynyń mehanızmin jetildirýge, grant berý salasynyń ashyqtyǵyn qamtamasyz etý maqsatynda qurylǵan. Ortalyq ÚEU-ǵa memlekettik jáne memlekettik emes granttardy berýmen jáne olardyń júzege asýyn baqylaýmen aınalysady.
Ortalyq áleýmettik máselelerdi sheshýde memleket, bıznes, ÚEU jáne halyqaralyq qaýymdastyqtyń ınnovasııalyq tásilderin engize otyryp, nyq damyp kele jatqan uıym.
Qazaqstanda memlekettik qoldaýdyń bir túri – granttyq mehanızmge degen qyzyǵýshylyqtyń jyl sanap artyp kele jatqanyn myna kórsetkishten-aq baıqaýǵa bolady. 2016 jyly jumysyn bastaǵan Ortalyqqa alǵashqy jyly 88 ótinish tússe, 2017 jyly bul kórsetkish 512-ge jetti, onyń ishinde 237 ótinish elimizdiń aımaqtarynan túsken.
Bıyl Ortalyq memlekettik granttardy berý úshin 3 baıqaý ótkizdi. Nátıjesinde elimizdiń 49 ÚEU 618, 595 mln. teńgege 57 granttyq jobany júzege asyryp jatyr. Áleýmettik salanyń 11 baǵyty qamtyldy. Jalǵyz donor – Din isteri jáne azamattyq qoǵam mınıstrligi.
Aralyq esep boıynsha, granttyq jobalar aıasynda 19 keshendi zertteý, 8 áleýmettik qyzmet, 5 veb-resýrs ashylyp, 4 senim telefony halyqqa qyzmet kórsetýde. 9000-daı adam qatysqan 378-ge jýyq is-shara uıymdastyrylyp, 39 ulttyq jáne 7 halyqaralyq sarapshy tartyldy.
Búginde Ortalyq granttarǵa baqylaý júrgizýdiń túrli mehanızmderin qoldanady: usynylǵan esepterdi tekserý jáne saraptama jasaý, granttardyń nátıjesi men júzege asyrylýy týraly Ortalyqtyń saıtynda (cisc.kz) turaqty túrde aqparat jarııalap otyrý, monıtorıngtik sapar, benefısıarlarmen suhbat júrgizý, BAQ-qa saraptama jasaý jáne t.b.