Úsh dúrkin Olımpıada chempıony, túrkııalyq aýyr atlet Naım Súleımenoǵly 50-jasynda dúnıeden ozdy. Atashehır qalasyna jetkizilgen Súleımenoǵlyǵa 11-qarasha kúni opersııa jasaldy. Alaıda, baýyr sırıozyna ushyraǵan Naımdi dárigerler qutqara almady. Ataǵy jahanǵa jaıylǵan Súleımenoǵlynyń ólimi sport áleminiń qabyrǵasyn qaıystyrdy.
Naım eń alǵash 16 jasynda Álem chempıony atanyp, ǵalamdyq rekordty ornatty. Bastapqyda Bolgarııa atynan jarysqa qatysyp, Naım Shalamanov esimimen aty shyqty. Al 1986 jyldan bastap Naım Súleımenoǵly óziniń atajurty Túrkııaǵa kóshedi. Túrkııa atynan jarysqa qatysý úshin arnaıy ruqsat qajet boldy. Bolgarııa Túrkııa aýyr atletıka federasııasynan 1 mıllıon dollar talap etti. Túrkııa tarapy esh oılanbastan qandastary úshin qarjy aıamady. Naım kele salysymen 1988 jyly 21 jasynda Seýl Olımpıadasynda chempıon atandy. Odan keıin 1992 jyly Barselonada, 1996 jyly Atlantada da oǵan teń keler eshkim bolmady. Aýyr atletıkanyń alyby 2 ret Álem chempıony, 2 ret Eýropa chempıony atandy. О́z salmaǵynan (60 keli) úsh ese artyq salmaqty kótergen Súleımenoǵly sporttyq ǵumyrynda 46 álemdik rekord jańarttyp ketti.
Ermuhamed Máýlen
«Egemen Qazaqstan»