Almatyda áleýmettik-medı­sı­­nalyq forým ótti

Almatyda «Ǵylymı-medısınalyq qoǵam» qoǵamdyq birlestiginiń uıym­das­tyrýymen Áleýmettik-medı­sı­­nalyq forým bolyp ótti. Bul shara­nyń ba­rysynda vaksınasııa jáne onko­lo­gııaǵa qatysty aıryqsha shıelenisken saýaldardy talqylaý múmkindigimen ashyq áńgime ótkizýdiń tıimdi ekendigin kór­sete bildi. Forýmǵa qatysqan medı­sınalyq qyzmetkerler pasıenttermen jáne balalardyń ata-analarymen qarym-qatynas jasaýdan baǵa jetpes tájirıbe alyp otyrǵanyn, sonymen qatar dárigerlik qabyldaý barysynda talqylaýǵa múmkindik bermeıtin kúr­deli máseleler boıynsha pikir alys­ty. Onda balalar onkologııasy jetis­tik­teri, problemalary men perspektı­valary jóninde áńgime qozǵaldy. «Vaksınalaý – deni saý ult» degen taqyrypta qatysýshy jurtshylyq saýaldaryna mamandar tolymdy jaýaptar berdi. «Kel, ertegi sýretin salamyz!» atty balalar sýretteriniń elimiz boıynsha ótip jatqan baıqaýynyń q­orytyndysy shyǵaryldy. Forým qonaqtarynyń aldynda Almaty qalasy balalar hırýrgııasy men pedıatrııasy ǵylymı ortalyǵynda em qa­b­yldap júrgen búldirshinderdiń kú­shimen Qazaqstanǵa eńbek sińirgen us­taz Muqan Qýatbaevtyń «Batyl vak­sına» qoıylymy kórsetildi. О́ner kórsetken búldirshinder arasynda Vıka Tımofeeva, Batyrhan Júsip, Ámıra Rysmahanovanyń ónerleri shynaıy shyqty.

«Sený jáne ómir súrý» atty áleý­met­tik-medısınalyq forým túrli me­­dı­sınalyq salalarda aqparattyq qol­­­jetimdilikti damytýǵa jáne saý­yq­tyrý qyzmetterin, juqpaly já­ne isik aýrýlarynyń aldyn alý, dıa­gnos­tı­kalyq, emdeý jetistiginiń aıasyndaǵy ja­ńa tabystardy kópshilikke taratýǵa, sonymen birge salamatty ómir saltyn nasıhattaýǵa úlken yqpalyn tı­gizetinin kórsetip otyr. Balalardyń qyl­qalamynan shyqqan sýrettegideı ómir de móldir kúıinde ádemi bola ber­sin dep tiledik. О́ıtkeni olar egemen eli­mizdiń erteńi ǵoı.

Saparbaı PARMANQUL, «Egemen Qazaqstan»

ALMATY