Sozaq aýdanynda Shymkentten qatynaıtyn jol boıyna 20 myńǵa jýyq jyńǵyl kósheti otyrǵyzyldy, dep habarlaıdy «Egemen.kz» tilshisi.
Jalpy, Sholaqqorǵan-Shymkent tas joly qystyń kúnderi qar basyp, kólikterge úlken tosqaýyl bolady. Butaqtary uıysqan kódedeı bolyp ósetin jyńǵyl jazda qumdy daýylǵa, qysta-qalyń qardan qorǵan.
Sozaqtyqtar senbilikke shyǵyp, Sholaqqorǵannan Jartytóbege deıingi aralyqta úsh qatar jyńǵyl ekti. Kóshetterdi sýarýdy «Sozaq sáýlet» kommýnaldyq kásiporyny moınyna alǵan. Alda Sozaq aýdanynyń 90 jyldyq mereıtoıy kele jatyr. Aýdan turǵyndary merekege daıyndyq máselesin jol boıyn abattandyrýmen bastap otyr.
Baqtııar TAIJAN,
«Egemen Qazaqstan»
Ońtústik Qazaqstan oblysy.