Elbasy Qazaqstan Respýblıkasynyń Kásipodaqtar federasııasynyń tóraǵasy Baqytjan Ábdiraıymdy qabyldady, dep habarlaıdy Aqordanyń baspasóz qyzmeti.
Kezdesýde Nursultan Nazarbaev Baqytjan Ábdiraıymdy Kásipodaqtar federasııasynyń tóraǵasy laýazymyna saılanýymen quttyqtap, onyń jańa qyzmetine tabys tiledi. «Siz kóptegen qyzmet atqardyńyz. Rektor da, mınıstrdiń orynbasary da boldyńyz. Quqyq qorǵaý, ádilet organdarynda, Joǵarǵy sotta eńbek ettińiz. Zań salasyndaǵy bilimińiz ben tájirıbeńiz mol», - dedi Qazaqstan Prezıdenti.
Memleket basshysy kásipodaqtar eńbek qatynastaryn retteýde jáne eńbekkerler men jumys berýshiler arasynda syndarly dıalog ornatýda mańyzdy ról atqaratynyn atap ótti.