Oblys ákimi Eraly Toǵjanov aımaqtyń aktıvine qalanyń jańa basshysyn tanystyrdy. Aqtaýdyń ákimi bolyp Ǵalymjan Nııazov taǵaıyndaldy. Ol osyǵan deıin Mańǵystaý oblysy ákiminiń turǵyn úı-kommýnaldyq sharýashylyq, qurylys jáne ınnovasııa máseleleri boıynsha keńesshisi qyzmetin atqardy, dep habarlady egemen.kz tilshisine Mańǵystaý oblysy ákiminiń baspasóz qyzmeti.
Nııazov Ǵalymjan Muqyruly Mańǵystaý oblysy, Shetpe selosynda 1973 jyly 14 sáýirde dúnıege kelgen.
2000 jyly Qanysh Sátpaev atyndaǵy Qazaq ulttyq polıtehnıkalyq ýnıversıtetin, 2008 jyly Shahmardan Esenov atyndaǵy Kaspıı memlekettik jáne ınjınırıng ýnıversıtetin támamdaǵan.
Ol eńbek jolyn 1990 jyly Shevchenko qalasynda slesar, kásiporynnyń júrgizýshisi bolyp bastaǵan.
2013-2014 jyldary aralyǵynda Qyzylorda oblysy qurylys basqarmasynyń bólim basshysy, basqarma basshysynyń orynbasary boldy.
2014 jyldan 2016 jylǵa deıin Qyzylorda oblysy Memlekettik satyp alý basqarmasynyń basshysy boldy.
2016 jyldan 2017 jylǵa deıin Astana qalasynda «SK-Farmasııa» JShS-de bólim basshysy, basqarýshy dırektor, departament dırektory bolyp qyzmet etti.
2017 jyly naýryz aıynan bastap Mańǵystaý oblysy ákiminiń turǵyn úı-kommýnaldyq sharýashylyq, qurylys jáne ınnovasııa máseleleri boıynsha keńesshisi qyzmetin atqarady.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy