Oblystyq «Ertis Medıa» JShS dırektorynyń orynbasary Jumabek Smanov, «Naızatas» jýrnalynyń bas redaktory Asyl Ábishev bastaǵan óńirlik BAQ ókilderiniń tilshileri balabaqshalarda balalardy ulttyq oıyndarmen tanystyrý, asyq oıynaýdyń túrlerine qyzyǵýshylyǵyn oıatý, halqymyzdyń salt-dástúrlerine degen olardyń qyzyǵýshylyǵyn oıatý maqsatyna oraı shaqyrǵan bul usynystaryn ata-analar, balabaqshalar ujymy qoldady.
Qaladaǵy «Ertóstik» dep atalatyn №35 balabaqshada «Asyq party» oıynyna 360 bala qatysypty.Asyqtardy dene shynyqtyrý sabaǵynda emes, aınalamen tanysý, til damytý, matematıka sabaqtarynda da qoldanady. Doıbyny aq jáne qara tústi asyqtarmen oınaıdy, sandardy, alyp-qosýdy da túrli-túske boıalǵan asyqtar ornatylǵan esepshottar arqyly meńgeredi.
Tárbıeshiler halyqtyq pedagogıkanyń ádisterin qoldanýdy jetildirip, izdenis ústinde.
– Qazirgi ǵalymdar saýsaq jattyǵýlarynyń paıdasy týraly kóp aıtady. Al bizdiń ata-babalarymyz asyq oıyndary balanyń mergendigin arttyryp, logıkalyq oılaý qabiletterin bilgen, - deıdi balabaqsha meńgerýshisi Gúljaýar Áýbákirova.
Búldirshinder tek qana asyq atý oıynyna qatysyp qoımaı, qonaqtar úshin ánderi men bılerin oryndap berdi. «Asyq party» oıyny qazir oblys ortalyǵyndaǵy basqa da balabaqshalarda jalǵasýda.
Farıda Byqaı «Egemen Qazaqstan» Sýretti túsirgen: Aıgúl Esenálı