Mańǵystaý oblysynda jol apatynan 9 adam qaza taýyp, 27 adam jaraqattandy. Sonyń ishinde 3 bala túrli jaraqat alyp, aýrýhanaǵa jetkizilgen. Al 8-i aýyr halde.
«Gazel» men teplovoz soqtyǵysqan jol apaty Mańǵystaý jol bóliginiń О́zen-Bolashaq temirjol ótkelinde bolǵan. «Gazel» kóliginde 36 jolaýshy bolǵan, dep jazady inform.kz. Teplovoz mashınısi 60 km/saǵ jyldamdyqpen kele jatyp joldaǵy avtokólikti kórip tejegishti shuǵyl basady. Alaıda, qarqyndy jyldamdyqpen kele jatqan teplovozdyń toqtaýǵa múmkindigi bolmaıdy.
Mańǵystaý oblystyq IID baspasóz qyzmetiniń habarlaýynsha, qazir kóz jumǵandar men zardap shekkenderdiń kim ekendigi anyqtalyp jatyr.
«Qazirgi tańda QR QK 345-baby boıynsha sotqa deıingi tergeý amaldary júrip jatyr. Tergeý múddesine baılanysty basqa aqparat bere almaımyz», - dedi oblystyq IID baspasóz qyzmetiniń basshysy Jazıra Ábil.