Mańǵystaý oblysynyń ákimi Eraly Toǵjanov jol apatynan qaza bolǵandar men zardap shekkenderdiń otbasylaryna 20 mıllıon teńgeni bólý kerektigin tapsyrdy, dep habarlaıdy Mańǵystaý oblysy ákiminiń baspasóz qyzmeti egemen.kz tilshisine.
Atap aıtsaq, apatta qaza bolǵandardyń otbasylaryna 1 mln.teńge, aýyr halde jatqan 9 adamǵa 500 myń teńge beriledi. Taǵy japa shekken 18 adamǵa 300 myń teńge bólinbek.
Sonymen birge, búgin aımaq basshysynyń tóraǵalyǵymen ótken apparattyq jıynda oblystaǵy barlyq memlekettik organdardyń 1 kúndik jalaqysyn jol apatynda zardap shekkenderdiń otbasylaryna aýdarý týraly sheshim qabyldandy.
Jańaózen qalasyndaǵy ákimdik janynan 15 adamnan turatyn komıssııa quryldy. Komıssııa músheleri jol apatynan kóz jumǵan jáne jaralanǵan otbasylarǵa kómek kórsetýmen aınalyspaq. Sondaı-aq, materıaldyq kómek kórsetý úshin qaıyrymdylyq qory quryldy. Komıssııa men qaıyrymdylyq qorynyń jumys barysyn oblys ákimi Eraly Toǵjanov tikeleı qadaǵalaıtyn bolady.
Esterińizge sala keteıik, 25 qarasha kúni Jańaózen mańyndaǵy Teńge eldi-mekeninde teplovoz ben «Gazel» kóligi soqtyǵysty. Apat saldarynan 36 adam zardap shekti. 9 adam qaıtys bolyp, 27 adam jaraqat alǵan bolatyn.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy