Memleket basshysy Nursultan Nazarbaev Anatolıı Molodovtyń qaıtys bolýyna baılanysty marqumnyń otbasyna kóńil aıtý jedelhatyn joldady, dep habarlaıdy Aqordanyń baspasóz qyzmeti.
Qazaqstan Prezıdenti belgili hor dırıjeri, pedagog Anatolıı Molodovtyń dúnıeden ótkeni týraly habardy zor kúızelispen qabyldady.
«Ol ómiriniń kóp jylyn mádenıettiń bıik murattaryna qyzmet etýge arnady. Onyń esimi Qazaqstan hor óneriniń qalyptasýy men damýynyń tutas bir kezeńimen baılanysty», – delingen kóńil aıtý jedelhatynda.
Sondaı-aq, jedelhatta A.Molodov otandyq daryndy oryndaýshylardyń shoǵyryn tárbıelep shyǵarǵany aıtylǵan.
Elbasy sońynda A.Molodovtyń esimi qazaqstandyqtardyń júreginde saqtalatynyn atap ótken.