Aǵymdaǵy jyly úkimetimiz elimizdegi dinı ahýaldy retteýdi odan ári jetildirý úshin birqatar zańnamalarymyzǵa ózgertýler men tolyqtyrýlar engizgeni belgili. Qoǵamnyń qyzý talqysyna túsken nızam jobasynyń ádepkidegi nobaıyna birqatar usynystar engizildi. Sonyń biri – QMDB-ǵa qarasty meshitterdiń neke qııý qyzmeti men dinı bilim berý júıesi, onyń ishinde meshitterdegi saýat ashý kýrstaryna qatysty tustary desek, sirá qatelespeımiz dep oılaımyn.
Biz ásiredinshildiktiń aldyn alý úshin halyqtyń ortadoksaldi dinı tanymynyń qalyptasýyna jaǵdaı jasaýymyz qajet. Dinı radıkalızmge qarsy turatyn ımmýnıtet qalyptastyrý úshin eń aldymen otandastarymyz durys dinı málimet pen bilim alýy tıis. Qazir elimizde 2500-den astam meshit jumys isteıdi. Bul meshitterdegi saýat ashý kýrstarynda jamaǵatqa turaqty túrde aqıda, fıqh, sıra, hadıs, tápsir, arab tili pánderinen sabaqtar júrgiziledi. QMDB-nyń uıytqy bolýymen birneshe jyldan beri meshitterde mektep jasyndaǵy oqýshylarǵa jazǵy saýat ashý kýrstary da qyzmet kórsetip keledi.
Elimizde ıslamtanýshylardy daıyndaıtyn Nur-Múbarak Islam mádenıeti ýnıversıteti, Imamdardyń bilimin jetildirý ınstıtýty, Ábý Hanıfa ǵylymı zertteý ortalyǵy, arnaýly orta oqýyna teńestirilgen ımamdar daıyndaıtyn 9 medrese-kolledj, 3 qarılar daıyndaý ortalyǵy bar. Bul dinı bilim berý júıesi meshitterdegi kadr tapshylyǵy máselesin sheshýge oń yqpalyn tıgizýde. О́tken jyldan bastap dinı radıkalızmge qarsy belsendi túrde kúres júrgizý úshin respýblıkalyq aqparattyq nasıhat toby quryldy.
Iаǵnı medreseler men joǵary oqý oryndaryndaǵy dintaný jáne ıslamtaný bólimderi, dinı málimet beretin aqparat kózderi t.b qurylymdar «bir jaǵadan bas, bir jeńnen qol» shyǵaryp, halyqtyń ortadoksaldi dinı tanymynyń qalyptasýyna birlesip jumys jasasa, bul úlken qosyn – ásiredinshildiktiń tolyqtaı aldyn alǵan bolar edi dep esepteımiz. Taǵy bir erekshe atap óter dúnıe, bıyl oblys basshysy Danıal Ahmetovtiń qoldaýymen oblystyq «Halıfa Altaı» meshitinde ımamdardy qaıta daıarlaıtyn úsh aılyq kýrs ashyldy. Kýrs dáristerin elimizge belgili ǵalym-teologtar men bilikti ustazdar júrgizdi. Qyrkúıek aıynda óńirimizdiń 75 azamaty ımamdardy qaıta daıarlaý kýrsyn támamdap, arnaıy sertıfıkatqa ıe boldy. Qazirgi ýaqytta ımamdardy qaıta daıarlaý kýrsynyń ekinshi legi oqý ústinde.
Halyqtyń ortadoksaldi dinı tanymy ornyǵý úshin meshit qyzmetkerleriniń qoǵamdyq róliniń artýyna mán berilýi kerek sekildi. Sonymen qatar Islam dininiń tafsır, hadıs, fıkh, aqıda, ıslam tarıhy, ıslam fılosofııasy sekildi irgeli pánderin tereńdetip túsindirip beretin oqýlyqtar shyǵarý úshin Islam zertteý ortalyǵyn ashsa quba-qup. О́ıtkeni biz ásiredinshildikti nasıhattaıtyn ónimderdi tárkilep jáne teris málimet taratatyn aqparat kózderin buǵattaýmen dinı radıkalızmdi túbegeıli jeńe almaımyz. Iаǵnı jurtshylyqqa dinı málimet pen bilim berýdiń balamaly kózderin qarastyrýymyz shart.
Ermek MUQATAI,
QMDB-nyń О́skemen óńiri boıynsha ókil ımamy,
oblystyq «Halıfa Altaı» meshitiniń bas ımamy