Ortalyq kommýnıkasııalar qyzmetinde ótken baspasóz máslıhatynda Energetıka mınıstri Qanat Bozymbaev Elbasynyń «Qazaqstannyń úshinshi jańǵyrýy: jahandyq básekege qabilettilik» Joldaýy sheńberinde Energetıka mınıstrligi 10 aı ishinde iske asyrǵan jumystar jóninde aıtyp berdi.
Elbasynyń 2017 jylǵy 31 qańtardaǵy Qazaqstan halqyna Joldaýynda munaı-gaz salasy úshin qoıylǵan basty mindet elimizdiń turaqty ekonomıkalyq ósiminiń strategııalyq mańyzdylyǵyn saqtaý bolyp tabylady, bul geologııalyq barlaýǵa ınvestısııa tartý esebinen sheshiletin bolady.
«Energetıka salasynda aǵymdaǵy jyldyń 10 aıdaǵy damý serpini oń nátıje kórsetýde. Mysaly, munaı óndirý kólemi 71,1 mln tonnany qurady, bul 2016 jyldyń uqsas merzimine qaraǵanda 11,4 paıyzǵa kóbirek, Qashaǵan – 6,5 mln tonna, Teńiz – 23,7 mln tonna jáne Qarashyǵanaq – 10,3 mln tonna. Al gaz óndirý kólemi 43,5 mlrd tekshe metrdi qurady, bul aldyńǵy jyldyń uqsas merzimine qaraǵanda 15,6 paıyzǵa kóp. Munaıdy óńdeý kólemi 12,2 mln tonnany qurady, bul 2016 jyldyń tıisti merzimine qaraǵanda 2,8 paıyzǵa kóp.
Suıytylǵan gaz óndirisiniń kólemi 2,4 mln tonnany nemese 2016 jyldyń uqsas merzimindegiden 11,6 paıyzǵa artyq. Aldyńǵy jyldyń 10 aıymen salystyrǵanda eksporttyń kórsetkishteri, munaı boıynsha 13,8 paıyzǵa, (57,7 mln t), gaz boıynsha 26,6 paıyzǵa (13,8 mlrd m3) kóbirek. Sondaı-aq óndirilgen elektr energııasy kólemi 83,1 mlrd kVts qurady, 2016 jyldyń uqsas merzimine qaraǵanda 9,8 paıyzǵa artyq. Jáne de kómirdi óndirý kólemi 86,6 mln tonnany qurady, ol 2016 jyldyń uqsas merzimine qaraǵanda 11,6 paıyzǵa artyq. Ýran óndirý kólemi 19,2 myń tonnany qurady, 2016 jyldyń uqsas merzimine qaraǵanda 5,5 paıyzǵa tómen», dedi Q.Bozymbaev.
Sonymen qatar ol 10 aıda Fınlıandııaǵa – 2,7 mıllıon tonna, Japonııaǵa – 89,2 myń tonna kómir eksporttalǵanyn tilge tıek etti.
Búgingi kúni Aı-92/93 benzın markasynyń qory 193,8 myń tonnany quraǵan. «Aıdyń basynan bastap Qazaqstanǵa 89 myń tonna Aı-92 benzıni reseılik MО́Z-den ımporttaldy. Buryn habarlanǵandaı, Pavlodar MО́Z-i 26 qazannan bastap josparly jóndeý jumysynan shyqty. 30 qazanda Aı-92 benzıni óndirile bastady. 12 qarashada katalızdik krekıng qondyrǵysy iske qosyldy, ıaǵnı benzın óndirý táýligine 2600 myń tonnadan 4200 tonnaǵa deıin artatyn bolady. PMО́Z benzın boıynsha óziniń josparly qýatyna shyqty», dedi ol.
Mınıstr dızel otyny óndirisiniń tómendeýin óteý úshin qarasha, jeltoqsan aılaryna dızel otynyn 100 myń tonna ımporttaý qajet ekenin jáne aıdyń basynan bastap 67 myń tonna ımporttalǵanyn tilge tıek etti.
«Atyraý MО́Z-de bastapqy josparlanǵan 96 myń tonnadan 120 myń tonnaǵa deıin dızel otyny óndirisin ulǵaıtý boıynsha qosymsha munaı júkteý jóninde sheshim qabyldandy. Respýblıkanyń barlyq munaı bazalaryndaǵy qaldyqtar boıynsha táýlik boıy monıtorıng, júrgizilip, ımport kólemi boıynsha jáne osyǵan baılanysty jedel túrde otandyq MО́Z-den munaı ónimderin jóneltý baǵyttary boıynsha tıisti sheshimder qabyldanýda. Aǵymdaǵy jylǵy 21 qarashadaǵy jaǵdaı boıynsha dızel otynynyń jalpy rezervi 159,5 myń tonnany quraıdy. Bul orta eseppen 16 kúnge jetedi», dedi Q.Bozymbaev.
Raýan QAIDAR,
«Egemen Qazaqstan»