Parlament Senaty Áleýmettik-mádenı damý jáne ǵylym komıtetiniń tóraǵasy Birǵanym Áıtimova 28-30 qarashada Reıkıavıkte (Islandııa) ótip jatqan Áıel saıasatkerlerdiń dúnıejúzilik forýmyna qatysýda, dep habarlaıdy Qazaqstan Respýblıkasy Parlamenti Senatynyń baspasóz qyzmeti.
Islandııa Parlamenti jáne Úkimeti uıymdastyrǵan forýmda búkil dúnıe júzindegi memleket jáne úkimet basshylary, mınıstr, parlamentshiler men qala basshylary laýazymyndaǵy áıelder bas qosty. Shara qazirgi kezde Lıtva Prezıdenti D.Grıbaýskaıte tóraǵalyq etetin Álemdegi áıel kóshbasshylar keńesiniń yntymaqtastyǵymen ótip otyr.
Reıkıavıktegi sammıt «Ol bizdiń qolymyzdan keledi!» uranymen ótýde. Shara jahandyq qaterlerdi talqylaýǵa, tájirıbe almasýǵa, qazirgi zamandaǵy qabyldanatyn sheshimderde áıelderdiń yqpaly men keleshegi kórinis tabatyn saıası únqatysýlarǵa qatysýǵa múmkindik beredi.