Máskeýde Fýtboldan 2018 jylǵy álem chempıonaty toptyq kezeńiniń jerebesi boldy. Birinshilik kelesi jyldyń maýsym-shilde aılarynda kórshimiz Reseıde ótpek.
Álemdik dodanyń fınaldyq kezeńine ótken 32 ulttyq qurama 8 topqa bólindi. Tórt jylda bir ótetin bul jarysqa tuńǵysh ret Panama men Islandııa quramalary qatysqaly otyr.
Jerebe qorytyndysy:
A toby: Reseı, Saýd Arabııasy, Egıpet, Ýrýgvaı; V toby: Portýgalııa, Ispanııa, Marokko, Iran; C toby: Fransııa, Avstralııa, Perý, Danııa; D toby: Argentına, Islandııa, Horvatııa, Nıgerııa; E toby: Brazılııa, Shveısarııa, Kosta-Rıka, Serbııa; F toby: Germanııa, Meksıka, Shvesııa, Ońtústik Koreıa; G toby: Belgııa, Panama, Týnıs, Anglııa; H toby: Polsha, Senegal, Kolýmbııa, Japonııa.
Birinshiliktiń irikteý kezeńinde Qazaqstanǵa qarsylas atanǵan Danııa men Polsha S jáne N toptarynda oınaıdy.
Birinshilik kelesi jyldyń 14 maýsymynda Máskeýdegi «Lýjnıkı» stadıonynda Reseı men Saýd Arabııasy arasyndaǵy kezdesýmen bastalady. Toptyq kezeń 28 maýsymda aıaqtalsa, fınal 15 shildede «Lýjnıkıde» ótedi.