Mańǵystaý oblysynyń ákimi Eraly Toǵjanov apparattyq jıynda jańa kadrlyq ózgeristerdi jarııalady.
Oblys ákiminiń birinshi orynbasary bolyp Serik Amanǵalıev taǵaıyndaldy. Ol 1960 jyly 6 jeltoqsanda Gýrev oblysy Mahambet aýdanynyń Mahambet aýylynda dúnıege kelgen. 1983 jyly A.S. Pýshkın atyndaǵy Oral pedagogıkalyq ınstıtýtyn bitirgen.
Eńbek jolyn 1983 jyly orta mekteptiń tarıh páni muǵaliminen bastap, dırektordyń oqý-tárbıe jumysy jónindegi orynbasary, keıin mektep dırektory bolyp qyzmet atqardy.
1995-2007 jyldary – Atyraý oblysynda Mahambet aýdandyq jáne qalalyq bilim bóliminiń bastyǵy, keıin oblystyq bilim departamentiniń dırektory qyzmetinde boldy.
2008-2011 jyldary – Atyraý oblysynyń Qurmanǵazy aýdanynyń ákimi, oblys ákiminiń orynbasary boldy.
2011 jyldyń mamyr aıynan bastap Qazaqstan Respýblıkasy Prezıdent ákimshiliginiń memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory qyzmetterin atqardy.
«Qurmet» ordenimen (2008), «Qazaqstan Respýblıkasynyń táýelsizdigine 10 jyl» (2002), «Astananyń 10 jyldyǵy» (2008), Y. Altynsarın atyndaǵy medaldarymen (2006), «QR Bilim berý isiniń úzdigi» belgisimen (1998) marapattalǵan.
Gúlaıym ShYNTEMIRQYZY, «Egemen Qazaqstan»
Mańǵystaý oblysy