Sınoptıkterdiń málimetinshe sońǵy jeti jylda alǵash ret elordada qys mezgili qarsyz bastaldy, dep habarlaıdy Astana ákimdiginiń medıa ortalyǵy.
Elordada qashan tolassyz qar jaýatyny ázirge belgisiz. Aldyn ala boljam boıynsha osy aptanyń sońynda qar jaýyp, jeldiń qýaty kúsheııýi múmkin. Jalpy, jeltoqsan aıynda kún ashyq bolady.
«Konsýltatıvtik boljamyna súıensek, antısıklonnyń kúsheıýimen aýa- raıy jaýyn shashynsyz, ashyq bolady. Aýa temperatýrasy túnde 10-20, al kúndiz 2-10 gradýsqa deıin barady. Salqyndatýdyń 3 tolqyny kútilýde.(...) aıdyń eń sońynda frontaldyq bólimderden ótýmen qar, boran jáne jel qýaty kúsheıedi degen boljam bar. Sondaı-aq aǵymdaǵy aı boıy qar jaýady», - dedi uzaq merzimdi boljamdar ınjener-sınoptıgi Aıgúl Myńjanova.
Sınoptıkterdiń málimetinshe Astanada qys mezgiliniń qarsyz bastalýy sońǵy 7 jylda birinshi ret bolyp tur. О́tken jyly jeltoqsan aıynyń basynda elordada qalyndyǵy 10 santımetr qar jatty.
Aıta keteıik, buǵan deıin «Qazgıdromet» qys aıyna arnalǵan konsýltatıvti aýa-raıyn jarııalady. Sınoptıkter elimizdiń basym aımaǵynda kópjyldyq ortasha mańyzdy temperatýra fonynan 1-2 gradýsqa tómen bolady degen bolatyn.