Búgin túbi bir túrki jurtynyń túpqazyǵy, rýhanı astanasy - Túrkistan qalasynda «Túrkistan - Túrki áleminiń mádenı astanasy» jylynyń saltanatty jabylýyna arnalǵan Gala-konsert ótti.
«Túbi bir túrkiler» horeografııalyq-plastıkalyq qompozısııasymen bastaý alǵan konsenrttik baǵdarlamada oblys ákimi J.Túımebaev sóz alyp, barsha jıylǵan jurtshylyqty búgingi aıtýly kúnmen quttyqtady.
«Túrki áleminiń búgingi zamandaǵy kemeńger kóshbasshysy atanǵan Prezıdentimiz Nursultan Ábishuly Nazarbaev «TÚRKSOI» túrki áleminiń IýNESKO-syna aınalýy tıis» degen bolatyn. TÚRKSOI uıymy túrki áleminiń mádenı astanalaryn tańdaý jobasyn 2012 jyldan beri júzege asyryp, Túrki dúnıesiniń IýNESKO-syna aınaldy. О́tken jyldyń sońynda TÚRKSOI Turaqty Keńesiniń 34-shi otyrysynda Túrkistan qalasyn Túrki áleminiń 2017 jylǵy mádenı astanasy dep jarııalaý jónindegi tarıhı sheshim qabyldandy. Sebebi, Túrkistan – túrki qaǵanattarynyń týy tigilgen Orda. Túrki halyqtarynyń orasan zor oǵlandary aq kıgizde han kóterilgen qasıetti jer. Túrki áleminiń mańyzdy jobasy Elbasynyń «Bolashaqqa baǵdar: rýxanı jańǵyrý» maqalasymen keremet astasyp, jyl boıynda ulttyq dástúrimizdi dáripteıtin kóptegen sharalardyń joǵary deńgeıde ótkizilýine tikeleı yqpalyn tıgizdi»,-dedi ákim.
Budan soń aımaq basshysy QR Mádenıet jáne sport mınıstri Arystanbek Muhamedıuly men «TÚRKSOI» Halyqaralyq uıymynyń Bas hatshysy Qaseıinov Dúısen Qurabaıulyna alǵys bildirip, marapattasa, Túrkııa Respýblıkasy Mádenıet jáne týrızm vıse mınıstri Hýseın Iаıman myrzaǵa Qazaqstan-Túrkııa dostyǵy men yntymaqtastyǵyn damytqany úshin tósbelgi taqty. Al qalǵan túrki elderinen kelgen qonaqtarǵa oblys ákiminiń arnaıy syılyǵy tapsyryldy.
Baýyrlas elderdiń basy qosylǵan merekelik sharada Ázirbaıjan, Túrikmenstan, Túrkııa, О́zbekstan, Qyrǵyzs tan memleketteri men Reseı Federasııasynyń Tatarstan, Bashqurtstan, Saha-Iаkýtııa, Tyva Respýblıkalary jáne Qyrymnan arnaıy kelgen óner ujymdary óz ónerlerin pash etti.
Jabylý saltanaty barysynda 35-shi Turaqty Keńesi otyrysynyń sheshimi boıynsha 2018 jylǵy Túrki áleminiń mádenı astanasy atanǵan Túrkııa Respýblıkasy Kastanomý qalasyna «Túrki áleminiń mádenı astanasy» sımvoly men týy tapsyryldy. Is-shara Sh.Qaldaıaqov atyndaǵy oblystyq fılarmonııa, oblystyq opera jáne balet teatrynyń ánshileri men barlyq qatysýshylar birlese «Túrkistan - túrki áleminiń astanasy» atty ánimen aıaqtaldy.
Esterińizge sala keteıik, ótken jyldyń sońynda Ázirbaıjan Respýblıkasynyń Shekı qalasynda ótken TÚRKSOI Turaqty Keńesiniń 34-shi otyrysynda Túrkistan qalasy - Túrki áleminiń 2017 jylǵy mádenı astanasy bolyp bekitilip, jyl boıy túrkitildes ulttar arasyndaǵy baýyrlastyq baılanystar men dostyqty nyǵaıtý, túrkilik mádenıet pen ónerdi urpaqtan urpaqqa jetkizip, ony álemge tanytý maqsatynda 40-qa jýyq túrli is-sharalar uıymdastyryldy.