Ońtústik sıklon men onymen baılanysty atmosferalyq aǵymdar senbi kúni Qazaqstannyń basym bóliginde qar jaýýyna yqpal etedi. Qar keı jerlerge qalyń túsedi, jekelegen aımaqtarda tuman túsip, kóktaıǵaq bolyp, boran turady, jel kúsheıedi, dep habarlaıdy «Qazgıdromet» RMK.
Jambyl oblysynyń keı jerlerinde tuman túsip, kóktaıǵaq bolady. Boran turyp, jel sekýndyna 15-20 metrge deıin kúsheıedi. Ekpini sekýndyna 23-28 metr bolady, oblystyń ońtústik batysynda jel sekýndyna 30 metrge deıin jetedi.
Mańǵystaý, Soltústik Qazaqstan, Qaraǵandy oblystarynda tuman túsip, kóktaıǵaq bolyp, boran turady, jel sekýndyna 15-20 metrge deıin kúsheıedi. Qostanaı oblysynda jeldiń ekpini sekýndyna 15-20 metrge jetedi. Keı jerlerde boran, kóktaıǵaq bolady.
Qyzylorda, Aqtóbe oblystarynyń keı jerlerinde tuman túsip, kóktaıǵaq bolady. Kúndiz jeldiń kúshi sekýndyna 15-20 metrge jetedi.
Ońtústik Qazaqstan oblysynyń keı jerlerinde tuman túsip, kóktıǵaq bolady, jeldiń kúshi sekýndyna 15-20 metrge jetedi.
Almaty oblysynyń keı jerlerinde tuman túsip, kúndiz jeldiń jyldamdyǵy sekýndyna 15-20 metr bolady. Pavlodar oblysynda kúndiz keı jerlerde boran, kóktaıǵaq bolady, jel sekýndyna 15-20 metrge deıin kúsheıedi. Shyǵys Qazaqstan oblysynda kúndiz keı aımaqtarda boran bolyp, jeldiń jyldamdyǵy sekýndyna 15-20 metrge jetedi. Túnde jáne kúndiz keı jerlerge tuman túsedi. Atyraý oblysynda túnde tuman túsip, kóktaıǵaq bolady.
Batys Qazaqstan oblysynda tuman túsedi dep kútilýde.