Qazaqstan delegasııasy BUU Qaýipsizdik keńesiniń Ierýsalımniń quqyqtyq mártebesi týraly kezekten tys jınalysyna qatysty, dep habarlaıdy SIM baspasóz qyzmeti.
Kezdesý barysynda BUU Bas hatshysynyń Taıaý Shyǵystaǵy Arnaıy ókili Nıkolaı Mladenovtyń brıfıngi tyńdaldy. Qazaqstannyń BUU-nyń janyndaǵy Turaqty ókili Qaırat Omarov elimizdiń Taıaý Shyǵys daǵdarysyna qatysty ustanymy anyq jáne ózgerissiz ekendigin jetkizdi. Qazaqstan taraptar arasyndaǵy kelissózderdiń eki jaqty pishimde alǵyshartsyz ótkizilýin qoldaıtyndyǵyn bildirdi.
Palestındik-ızraıldik retteýge BUU Bas Assambleıasy jáne Qaýipsizdik Keńesiniń tıisti qararlary, sondaı-aq Madrıd prısıpteri, Beıbitshiliktiń Jol kartasy, sonymen qatar 2002 jylǵy Arab beıbit bastamasy negizinde qoldaý kórsetý qajettigi rastaldy. Qazaqstan delegasııasy «eki elge eki memleket» formýlasyna balama joq ekendigin aıtty. Qazaqstan BUU-nyń Bas hatshysy Antonıý Gýterrıshtiń - «Ierýsalım mártebesi palestına-ızraıl retteýiniń fınaldyq kezeńinde jáne BUU qararlarynyń negizinde Palestına jáne Izraıl halyqtarynyń armandary men alańdaýshylyqtaryn eskere otyryp sheshilýi tıis» degen ustanymyna qoldaý bildirdi.
Qazaqstan Palestına halqynyń 1967 jylǵy shekaralarda astanasy Shyǵys Ierýsalım bolyp tabylatyn Palestına memleketin qura alý quqyǵyn tolyqtaı qoldady.