Qazaqstan terrıtorııasy boıynsha taraǵan ońtústik sıklon jáne onymen baılanysty atmosferalyq fronttar jaýyn-shashyn (kóbinese qar túrinde) alyp keledi. Keı jerlerde jaýyn-shashyn qatty bolady. Jekelegen aýmaqtarda tuman, kóktaıǵaq, burqasyn men jeldiń kúsheıýi kútiledi, dep habarlaıdy «Qazgıdromet» RMK.
Atap aıtqanda, Jambyl oblysynyń keı jerlerinde tuman, kóktaıǵaq, burqasyn boljanady. Jel 15-20 m/s deıin kúsheıedi, ekpini 23-28 m/s-qa, túnde oblystyń ońtústik-batysynda 30 m/s-qa deıin jetýi yqtımal.
Aqmola oblysynyń keı jerlerinde tuman, kóktaıǵaq pen burqasyn kútiledi. О́ńirdiń basym bóliginde 15-20 m/s jyldamdyqta jel soǵady, keı jerlerde ekpini 23-28 m/s artýy múmkin.
Qyzylorda, Qostanaı, Soltústik Qazaqstan oblystarynyń jekelegen jerlerinde sondaı-aq tuman, kóktaıǵaq pen burqasyn kútiledi. Jel 15-20 m/s deıin kúsheıedi.
Ońtústik Qazaqstan oblysynda jeldiń ekpini 23 m/s jetedi. Almaty oblysynyń keı jerlerinde tuman túsip, kóktaıǵaq bolady, 17-22 m/s jyldamdyqta jel turady. Aqtóbe, Pavlodar oblystarynyń keı jerlerinde burqasyn bolady, 15-20 m/s ekpinde jel kútiledi.
Shyǵys Qazaqstan oblysynyń jekelegen aýmaqtarynda burqasyndatyp, 15-20 m/s jyldamdyqpen soqqan jeldiń ekpini kúndiz 25 m/s jetýi yqtımal. Qaraǵandy oblysynyń keı jerlerinde tuman, burqasyn, 15-20 m/s ekpindegi jel kútiledi.