AQSh-tyń Kalıfornııa shtatynda orman órti basylar emes. О́rt sóndirýshiler tilsiz jaýdy bir aptaǵa jýyq ýaqyt aýyzdyqtaı almaı keledi.
Jergilikti bıliktiń habarlaýynsha órttiń jyldam taralýyna ylǵaldylyqtyń tómendigi, qatty jel tikeleı áser etip otyr. Qazirgi ýaqytta shtatta tabıǵat apatyna daıyndyqtyń joǵarǵy deńgeıi engizildi.
Tilsiz jaýǵa qarsy kúreske 5700 órt sóndirýshi jumyldyryldy. «Tomas» oshaǵy onyń ishindegi eń irisi eseptelip otyr. Ol jolynda kezdesken 430 úıdi jalmap ótken. Apatty aımaqtan 200 myńnan astam kóshirilgen. Úsh órt sóndirýshi jaraqat aldy. Sondaı-aq, kólik ishinen der kezinde shyǵa almaı qalǵan bir áıeldiń múrdesi tabyldy. Budan bólek júzdegen ǵımarat jaramsyz bolyp qaldy.
Spýtnıktik fotosýretterde «Tomastyń» Tynyq muhıtynyń jaǵalaýyna deıin sozylǵany kórinedi. AQSh prezıdenti Donald Tramp Kalıfornııa shtatynda tótenshe jaǵdaı engizý týraly federaldy jarlyq shyǵardy.
Tilsiz jaý Kalıfornııadaǵy aýyl sharýashylyǵyna úlken zalalyn tıgizdi degen qaýip bar. Qazirdiń ózinde avokado plantasııalarynyń aıtarlyqtaı bóligin joıdy. Bul sala shtat ekonomıkasyna mıllıondaǵan paıda keltirip otyr.
Kalıfornııaǵa qarasty Los-Andjeles qalasy úlken shyǵynǵa batyp otyr. Dáýletti Bel-Eır qalasynda biraz úıler otqa orandy. Degenmen, ótken senbi kúni órt sóndirýshiler birneshe oshaqty sóndire aldy.