Qyzylorda qalasyndaǵy Saıahat shaǵynaýdanynda kanal boıynda qurǵaq shóp órtenip, jaqyn mańdaǵy turǵyn úıler men ǵımarattarǵa qaýip tóndi. Bul týraly Tótenshe jaǵdaılar mınıstrligi habarlady, dep jazady Egemen.kz.
Vedomstvo málimetinshe, órt sóndirýshiler oqıǵa ornyna kelgen kezde qurǵaq shóp, aǵashtar men qalyń ósimdikter janyp, órttiń ákimshilik jáne jeke ǵımarattarǵa taralý qaýpi bolǵan.
О́rtti sóndirý úshin kanal boıyndaǵy oshaqtarǵa arnaıy qaıyq tartylyp, nátıjesinde tilsiz jaý jedel túrde aýyzdyqtaldy.
Quzyrly organdar júrgizgen tekserý barysynda órtke kináli adam anyqtalyp, oǵan qatysty Ákimshilik quqyq buzýshylyq týraly kodekstiń 336-baby boıynsha hattama toltyryldy.
Almatyda bazar mańynda órt shyqty
Tótenshe jaǵdaılar mınıstrligi turǵyndardy órt qaýipsizdigi erejelerin saqtaýǵa, qurǵaq shópti órtemeýge jáne ashyq ot kózderin qaraýsyz qaldyrmaýǵa shaqyrdy.