Nıý-Iork polıseıleri Manhettendegi Taıms-skverlerdiń janynda bolǵan jarylystyń sebebin anyqtap jatyr, dep habarlaıdy bbc.com.
О́rt sóndirýshilerdiń habarlaýynsha oqıǵa Nıý-Iorktyń ortalyǵyndaǵy Port-Atýrı avtobýs termınalynda bolǵan. Ondaǵy avtovokzal evakýasııalanyp, órt sóndirýshiler men polısııa qyzmetkerleri jumyldyrylǵan.
Beınekamera arqyly onda kóptegen jedel járdem mashınalary men qyzmetkerlerin baıqaýǵa bolady. A, S jáne E jelileriniń mańyndaǵy metro stansııalary da saqtyq úshin evakýasııalandy.
ABC telearnasy polısııanyń jasyryn derekkózderine silteme jasaı otyryp, termınaldyń jer asty ótkelinde bomba jarylǵanyn habarlap otyr. CBS málimetinshe, bombany jarýshy óz-ózine qol jumsaǵan bolýy múmkin.
Al WPIX telearnasy jarylǵysh qurylǵy bar ekinshi adam metro týnnelinde ustalǵanyn habarlady.
Port-Atorı – AQSh-taǵy eń iri avtovokzal. Ol jylyna 65 mıllıon adamǵa qyzmet kórsetedi.