Petropavlda kıkboskıngten ótken Qazaqstannyń ashyq birinshiliginde aýyr jaraqat alǵan Azamat Dosymbaı oblystyq aýrýhananyń jansaqtaý bólimine shuǵyl jetkizildi.
21 jastaǵy astanalyq sportshynyń mıyna eki ret ota jasalǵanymen, hali múshkil. Eki kúnge sozylǵan jarysta ol 54 kılo salmaq boıynsha judyryqtasyp, kúmis júldeger atanǵan. Aqtyq shaıqasta qarsylasynan 15 ret soqqy alǵanyn keıin bapkerler kamera arqyly sanap shyqqan. Biraq olar kıkboksshynyń ómirine qaýip tóndiretindeı qatty soqqy tıgenin joqqa shyǵaryp otyr. Marapattaý saltanatynda ol ózin birqalypty ustaǵan. Tek arada bir jarym saǵat ótkennen keıin esinen tanyp qalǵan ony aýrýhanaǵa jetkizýge týra kelgen.
«Azamat bir aıdyń ishinde eki úlken saıysqa qatysqan. Osydan biraz buryn Vengrııada ótken álem chempıonatynda qola júldeger atanǵan. Qaı jarysta densaýlyǵy syr bergenin dóp basyp aıtý qıyn. Qazylar alqasy men sýpervaızerlerge qoıatyn esh kinámiz joq. Olar durys tórelik jasaǵan», dedi oblystyq dene shynyqtyrý jáne sport basqarmasynyń basshysy Rýslan Esenalın.
О́mir Esqalı.
«Egemen Qazaqstan».
Soltústik Qazaqstan oblysy.