Denısov aýdanyndaǵy Alchan jáne Antonov aýyldaryna qatar gaz berildi. Oblys ortalyǵynan shalǵaıda jatqan bul aýyldarda barlyǵy 524 tútin bar. «QazTransAımaq» aksıonerlik qoǵamy bul áleýmettik nysandarǵa 193,4 mıllıon teńge jumsady, jalpy quny 430 mıllıon teńge boldy. Gazdyń berilý saltanatyna oblys ákimi Arhımed Muhambetov qatysty.
«Osydan úsh jyl buryn Qostanaı oblystyq ákimdigi, «GazTransGaz» jáne «QazMunaıGaz» kompanııalary úsh jaqty memorandýmǵa qol qoıǵanbyz. Sol kelisim aıasynda Qostanaı oblysynda quny 13,4 mıllıard teńgeni quraıtyn 16 joba júzege asyrylýy tıis bolatyn. Eki jylda biz on jobany iske qostyq. Sonyń biri mine, Denısov aýdanyndaǵy Alchan jáne Antonov aýyldarynyń turǵyndary kógildir otynmen qamtamasyz etilip otyr» dedi Arhımed Begejanuly.
Oblys basshysy munyń barlyǵy Elbasynyń sarabdal saıasatynyń arqasynda múmkin bolyp otyrǵanyn jáne Nursultan Nazarbaev ylǵı halyqtyń ál-aýqatyn ósirý jóninde tapsyrmalar berip otyratyndyǵyn jetkizdi.
Eki aýyldyń da turǵyndary órkenıettiń kelýine oraı qys boıy kómir tasyp, kúl shyǵarýdan qutylǵanyna qýanyshty ekenin jetkizdi.
«Osy gazdy kópten kútken edik. Qýanyshymyzda shek joq. Elbasyǵa, osy isti jasaǵan káiporyndarǵa, oblys basshylaryna alǵysymyz sheksiz. Jyl da 11 myń teńgeden 10 tonna kómir alatynbyz, qystaı shelektep tasımyz. Endi gaz ári qolaıly, ári arzan» dedi Antonov aýylynyń aqsaqaly Beıishan Espambetov.
Názıra Járimbet
«Egemen Qazaqstan»
Qostanaı oblyys, Denısov aýdany