Jitiqara aýdanyndaǵy Yrsaı aýyly oblys ortalyǵynan shalǵaıda jatyr. Bul aýyz sýdyń azabyn tartyp otyrǵan aýyldyń biri bolatyn. Táýelsizdik merekesi qarsańynda aýyldastar úlken qýanyshqa bólendi, 117 otbasyna aýyz sý kirgizildi, olardyń qataryna aldaǵy kóktemde taǵy da qyryqshaqty otbasy qosylatyn bolady.
«KostanaıSelhozVodoprovodstroı» jaýapkershiligi shekteýli seriktestigi 13,7 kılometr sý qubyryn tartty. Bul jobaǵa 270 mıllıon teńge qarjy jumsaldy. Oblys ákimi Arhımed Muhambetov aýyldastardy osy qýanyshymen quttyqtady.
«Elbasy Nursultan Nazarbaevtyń bastamasymen qabyldanǵan «Nurly jol» memlekettik baǵdarlamasy aıasynda eldi mekenderdi, onyń ishinde sizderdiń aýyldy aýyz sýmen qamtamasyz etip otyrmyz. Aýyz sý adamdardyń eń qajeti bolyp tabylady. Elbasynyń saıasaty arqasynda turǵyndardyń áleýmettik jaǵdaıy jyl saıyn jaqsaryp keledi. Osy sekildi sońǵy eki jylda quny 2 mıllıard teńge bolatyn 5 jobany júzege asyrdyq. Yrsaı aýylyna aýyz sý qubyryn tartý sapaly atqaryldy, ony jasaǵan kásiporyndar men mamandarǵa alǵys aıtamyn» dedi Arhımed Begejanuly.
Aýyl turǵyndary osyndaı múmkindikter jasaǵany úshin Elbasy Nursultan Nazarbaevqa degen alǵysyn, qýanyshtaryn oblys ákimine jetkizdi.
Názıra Járimbet
«Egemen Qazaqstan»
Qostanaı oblysy,
Jitiqara aýdany